Рэкордная колькасць бязвізавых турыстаў наведвае Гродна. Толькі на травеньскія святы ў абласным цэнтры і яго ваколіцах адпачывала звыш 4,4 тысячы замежнікаў. Такі наплыў турыстаў паказаў і праблемы ў сферы турызму.
Сяргей Бусько, старшыня Беларускага таварыства экскурсаводаў і гідаў-перакладчыкаў, лічыць, што турызм з’яўляецца дзейсным спосабам папаўнення бюджэту краіны. «Важна наша геапалітычнае размяшчэнне на скрыжаванні гандлёвых шляхоў, розных геапалітычных блокаў. Турызм становіцца прыбытковым і цікавым, а для мясцовых жыхароў - выдатным спосабам для самарэалізацыі», — адзначыў ён.
Прэс-служба Гродзенскага абласнога аб’яднання прафсаюзаў прызнае, што ў Гродзенскім рэгіёне адчуваецца недахоп спецыялістаў, здольных прафесійна суправаджаць падарожнікаў.
У Беларусі налічваецца каля 900 атэставаных экскурсаводаў і 140 гідаў-перакладчыкаў. А на ўсю Гродзенскую вобласць прыходзіцца толькі 118 экскурсаводаў і 8 спецыялістаў з веданнем замежных моў. Эксперты занепакоеныя, што ў хуткім часе такіх спецыялістаў будзе востра не хапаць. Асабліва адчуваецца дэфіцыт гідаў-перакладчыкаў, хоць у краіне ёсць нават тыя, якія размаўляюць на іўрыце.
Паводле сучаснага заканадаўства, каб праводзіць экскурсіі, недастаткова атрымаць дыплом спецыяліста ў ВНУ, адзначае Сяргей Бусько — неабходна прайсці атэстацыю. Новая рэдакцыя «Закону аб турызме», які з’явіцца да канца 2019 года, выразна вызначыць гэтае пытанне. Упершыню з’явіцца адказнасць за правядзенне экскурсіі асобай, якая не прайшла атэстацыю.
Па словах Сяргея Бусько, на дадзены момант самы запатрабаваны экскурсавод — гэта атэставаны чалавек, здольны правесці экскурсію на замежнай мове.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…