Конкурс грацыі і артыстычнага майстэрства “Каралева Вясна – 2019»,  арганізаваны БРСМ, прайшоў у Мінску 26 красавіка. Пераможную карону атрымала  Таццяна Шчэрбач з Гродзенскага універсітэта імя Янкі Купалы, піша TUT.BY . У конкурсе ўдзельнічалі 13 дзяўчат з розных ВНУ краіны. Тэмай конкурсу стала «Ззянне ўнутранай прыгажосці».

Таццяна першакурсніца,  вучыцца на педагога-лагапеда. Кажа, што ў выбары прафесіі арыентавалася на досвед мамы. Тата – міліцыянт у адстаўцы. Гэта яе першы конкурс прыгажосці. «Самае складанае – гэта адпрацоўка ўсіх дэфіле ў самыя кароткія тэрміны, але я з гэтым справілася», – кажа пераможца. Яна не чакала атрымаць карону і мяркуе, што цяпер жыццё стане яшчэ больш актыўным: «Гэта вельмі ганарова і прыемна». Падчас творчага нумары дзяўчына запомнілася журы  сумнай песняй «Калі я калі-небудзь табе дарую», якую выканала ў дуэце.

Студэнтка з Гродна стала Каралевай вясны-2019

Разам з двума віцэ-міс конкурсу  Таццяна Шчэрбач паўдзельнічае  ў  фінале Міжнароднага конкурсу грацыі і артыстычнага майстэрства “Каралева студэнцтва», які сёлета пройдзе ў  Стаўрапалі.

Студэнтка з Гродна стала Каралевай вясны-2019