Хутка гродзенцы і госці горада змогуць паесці ў вядомым рэстаране фастфуду «McDonald's». Замежнае ўнітарнае прадпрыемства «КБС Віктарам Рэстараны», якое валодае закусачнымі гэтага брэнда ў Беларусі, набыло ўчастак зямлі насупраць філармоніі побач з паркоўкай ля цэнтральнай гарадской паліклінікі ў аўторак, 23 красавіка, піша vgr.by.
За 21 сотку на скрыжаванні вуліц Савецкіх Памежнікаў, Транспартнай і Гарнавых кампанія заплаціла 1 мільён 40 тысяч рублёў. На ўчастак прэтэндавала яшчэ 8 кандыдатаў. Пачатковы кошт лота склаў 125 тысяч рублёў.
Пакуль прадстаўнікі кампаніі ўстрымліваюцца ад каментароў пра дэталі будаўніцтва і тэрміны адкрыцця. Па іх словах, яны задаволены размяшчэннем участка, на якім будзе першая гродзенская закусачная ад Рэя Крока.
Па ўмовах таргоў пераможца аўкцыёну абавязаны атрымаць дазвол на правядзенне праектна-пошукавых работ і распрацаваць будаўнічы праект у тэрмін не больш за 2 гады.
Размовы аб прыходзе ў Гродна сеткі «McDonald's» вядуцца з 2014 года. Пад рэстаран ўжо планавалі як мінімум тры лакацыі: участак на Дубко-Пушкіна каля Дэпартамента аховы, пустку каля фабрыкі марожанага на Гарнавых. Хадзілі чуткі і пра тое, што «McDonald's» хоча адкрыць Станіслаў Сямашка ў сваім новым апарт-гатэлі на Калючынскай.
Спіс будучых арандатараў шматфункцыянальнага комплексу ў будынках былога гродзенскага піўзавода ўжо часткова гатовы. Частка комплексу…
Упакоўшчык адной з фірмаў у Гродне выйшаў з дому ў 13.20 і "прадэманстраваў" на левай…
XIV Рэспубліканскі фестываль нацыянальных культур у Гродне традыцыйна пачнецца агульным шэсцем дыяспар, пасля якога на…
Увечары гродзенка прывязала ланцужок з сабакам да лаўкі. Па яго яна не вярнулася. Так пенсіянерка…
У выніку ўзлому зламыснікі завалодалі персанальнымі дадзенымі ўладальнікаў акаўнтаў на сайтах realt.by, kvartirant.by і mls.realt.by,…
Вулічная кавярня ў французскім стылі адкрыецца проста ў двары Новага замка. Яно будзе працаваць толькі…