Аўгустоўскі канал адкрыў турыстычны сезон. 70% турыстаў на канеле ў мінулым годзе склалі «бязвізавыя». Што новага будзе для іх і для беларусаў у гэтым годзе, распавялі ў АУП «Гроднамеліяводгас», піша rgazeta.by.
Па словах намесніка генеральнага дырэктара па эксплуатацыі Аўгустоўскага канала Эдмунда Юткевіча, у мінулым сезоне ў зоне адпачынку пабывалі 120 тысяч наведнікаў, а мясцовы цеплаход здзейсніў 620 рэйсаў.
Да гэтага сезону рухавік судна прайшоў капітальны рамонт. Цеплаход будзе курсіраваць штодня. Турыстам раяць браніраваць месцы загадзя.
Гадзінны фрахт за ўсё судна абыйдзецца ў 350 рублёў, гэта на 50 рублёў даражэй, чым у мінулым сезоне.
На чым яшчэ можна паплаваць:
Асноўны пункт пракату традыцыйна размесціцца на шлюзе Дамброўка. Дзве яхты і маторная лодка, якія належаць прыватным фірмам, выпраўляюцца са шлюзаў Дамброўка і Чарток.
Сёлета побач з Аўгустоўскім каналам праклалі новы міжнародны роварны маршрут. Яго пазначылі паказальнікамі і ўладкавалі месцы стаянак. Ён пачынаецца ў Польшчы пад назвай «Грын вела». Цяпер раварысты змогуць перасячы мяжу ў пункце пропуску «Лясная — Рудаўка» і працягнуць шлях да Гродна. Даўжыня веласіпеднай дарогі па гродзенскім рэгіёне — 50 кіламетраў.
hrodna.life/2019/04/12/daroga-na-augustouski-kanal/
Па словах галоўнага спецыяліста аддзела фізічнай культуры і турызму Гродзенскага аблвыканкама Мацвея Свіркова, па маршруце ўладкавалі тры стаянкі з альтанкамі, велапаркоўкамі і біятуалетамі. Зоны адпачынку для веласіпедыстаў размясцілі ў вёсках Дамброўка, Крулеўшчына, Зарачанка. Працы фінансаваў МЗС Польшчы, аб’ект абышоўся ў 90 тысяч еўра. Сёння вусна дамовіліся працягнуць праект, зрабіўшы пракат ровараў у Сапоцкіне і ўладкавалі месца іх абслугоўвання.
Пакуль ровары ў арэнду можна ўзяць на Аўгустоўскім канале:
Прыбіральні на Аўгустоўскім канале пакуль ўсталююць у ранейшым выглядзе. Шэсць біяпрыбіральняў павінны прывезці ў бліжэйшы час. Раней абмяркоўвалася будаўніцтва стацыянарных прыбіральняў, але цяпер схіляюцца да пабудовы мабільнай прыбіральні з душам.
Каля дома наглядчыка, што на шлюзе Дамброўка, можна наведаць экспазіцыю старажытных прадметаў сельскага побыту. Для выставы сабралі больш за сотню аўтэнтычных рэчаў: ад калаўрота і падводы да саней і малатарні. Прадметы ўжытку далі мясцовыя жыхары.
Побач — музей гісторыі канала, у якім сабрана больш за 200 ілюстрацый з макетам шлюза і нават рыбалоўнымі снасцямі. Кошт уваходнага білета — 3 рублі.
У ранейшым рэжыме плануе працаваць ваенны экскурсійны музей, які ўключае абарончыя доты і фарты.
Па-ранейшаму адчынены дзверы прыватнай экспазіцыі ва ўласным доме Зажецкіх на шлюзе Нямнова. Там можна ўбачыць шкалу для вымярэння глыбіні, ўтулку і нават рыдлёўку, якой карысталіся пры будаўніцтве канала ў XIX стагоддзі.
У гэтым годзе на беразе побач са шлюзам Дамброўка і ў вёсцы Чарток будуць працаваць тры гандлёвыя фірмы. Яны ўсталююць летнія кафэ з гарачым харчаваннем.
Сёлета ў Сапоцкіне плануюць адкрыць два кафэ. У будынку былой сталовай абяцаюць да 1 ліпеня адкрыць краму і кавярню. У будынку былога ўнівермага збіраюцца размясціць бар. Гасцёўні ў мястэчку пакуль няма. Некаторыя турыстычныя групы начуюць у доме міласэрнасці дабрачыннай арганізацыі «Карытас» пры мясцовым касцёле. «Гатэль» разлічаны на 50 месцаў. Тут прымаюць любую групу за ахвяраванні.
Усяго ў ваколіцах Аўгустоўскага канала 18 аграсядзібаў, палова размешчана ўздоўж берага. Уладальнікі агратурыстычнага бізнесу на недахоп кліентаў не скардзяцца.
Па словах галоўнага спецыяліста па пытаннях спорту і турызму Гродзенскага райвыканкама Віктара Саломы, традыцыйна больш за ўсё наведвальнікаў на канале збіраецца падчас фестывалю «Аўгустоўскі канал у культуры трох народаў» (жнівень) і веламарафону «Суседзi» (ліпень). Варта ўлічваць гэта, калі плануеце адпачынак.
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…