Загадчыца малочна-таварнай фермы знаходзілася на працоўным месцы ў нецвярозым стане, а потым угнала службовую «Ніву». На гэтай машыне жанчына ўчыніла ДТЗ, аўто перакулілася. Сёння стала вядома, якім было рашэнне суда.
— Ніхто з работнікаў не змог спыніць начальніцу, і тая, віляючы з боку ў бок, выехала на дарогу агульнага карыстання, — паведамлялі абставіны здарэння ва УУС Гродзенскай вобласці.
Праз пару кіламетраў кіроўца 1980 года нараджэння не справілася з кіраваннем, машына перакулілася ў кювет.
Была ўзбуджаная крымінальная справа па артыкуле «Угон».
Пракурор Іўеўскага раёна Аляксандр Шушляков паведаміў карэспандэнту Onliner, што, як было ўстаноўлена, жанчына наўмысна супрацьпраўна завалодала без мэты крадзяжу аўтамабілем Lada-21 214, што належыць малочна-таварнай ферме. Ключ знаходзіўся ў замку запальвання, ніхто працаўніцы не перашкодзіў сесці ў машыну і паехаць.
— Сваю віну яна прызнала цалкам. Паводле яе слоў, ніхто не даваў ёй дазволу на паездку і карыстацца службовым аўтамабілем не дазваляў. Акрамя таго, жанчына пацвердзіла, што знаходзілася за рулём у нецвярозым стане, — распавёў Аляксандр Шушляков.
Абвінавачаная паведаміла суду, што раскайваецца ў зробленым, і папрасіла строга яе не караць.
З улікам усіх абставінаў на падставе ч. 1 арт. 214 Крымінальнага кодэкса суд Іўеўскага раёна прызначыў абвінавачанай пакаранне ў выглядзе штрафу ў памеры 35 базавых велічынь (892,5 рубля).
Прысуд можа быць абскарджаны і апратэставаны на працягу дзесяці сутак з моманту абвяшчэння.
Таксама, як паведаміў пракурор Іўеўскага раёна Аляксандр Шушляков, пасля падзей на патрабаванне пракуратуры раёна загадчыца фермы была вызвалена ад займаемай пасады.
Будынак праектуюць на набярэжнай проста пад Новым замкам, каля існага бізнес-центра на вул. Завадской, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…