У трэцім паўфінальным матчы, які праходзіў у Салігорску 24 сакавіка, «Нёман» нанёс паразу мясцоваму «Шахцёру» і тым самым скараціў да мінімуму адставанне ў серыі.
У Салігорску падапечныя Сяргея Пушкова ўпэўнена разабраліся са сваім супернікам. Залогам перамогі стала ўдалая гульня ў першым перыядзе, у якім гродзенцы закінулі дзве шайбы.
«Нёман» — «Шахцёр» — 2:4 (0:2, 2:2, 0:0)
галы:
02.51 0: 1 — Бадун (Амбражэйчык)
10:12 0: 2 — Баярчук (C. Маляўка)
22:41 0: 3 — С. Маляўка (Бадун, Коршунаў)
26:21 1: 3 — Туркін (Ляўко, Буйніцкі, — бол.)
30:02 1: 4 — Сцяпанаў (А. Маляўка, С. Маляўка)
39:14 2: 4 — Камбовіч (Дзямкоў)
Лік у серыі да 4-х перамог «Нёман» — «Шахцёр»: 1:2.
Сяргей Пушкоў пасля пераможнага матчу застаўся задаволены дзеяннямі сваіх гульцоў і распавёў, чаму пагаліў бараду.
— Атрымаўся складаны матч. У нас была такая сітуацыя, што прайгравалі ў серыі 0:2 і таму хлопцы цудоўна разумелі, як падысці да гульні. У нас усё атрымалася. Гуляючы нават у меншасці, шайба проста не далятала да нашых варот, гэта паказвае зараджанасць на сённяшнюю гульню.
Пытанне аб забабонах: напярэдадні матчу ў Салігорску вы пагалілі бараду, на ўдачу?
— Так, нешта не ішло з той барадой. Прыйшлося. Будзем адрошчваць новую.
Наступны матч каманды правядуць 26 сакавіка, таксама ў Салігорску
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…