Жыхару Гродна не спадабаўся знешні выгляд падлеткаў. Праз агрэсіўныя праявы непрыязнасці яму пагражае крымінальная адказнасць за хуліганства.
Інцыдэнт адбыўся ў нядзелю ўвечары на вуліцы Крамко ў Гродне, паведамляе uvd.grodno.by. Нецвярозы і раней судзімы 21-гадовы гродзенец разам са знаёмымі ішлі ў госці. Убачыўшы кампанію падлеткаў, малады чалавек падышоў да іх і папрасіў цыгарэту. Аднак амаль адразу забыўся пра сваю просьбу, бо яму вельмі не спадабаліся прычоскі хлопчыкаў і дзяўчынак.
Агрэсіўны хлопец прадэманстраваў сваю незадаволенасць пад артыкул КК «Хуліганства» — некалькі разоў ударыў аднаго з непаўнагадовых, у іншага сарваў з галавы шапку. Пасля гэтага нецвярозая кампанія сышла. Падлетак, які застаўся без шапкі, патэлефанаваў у міліцыю.
З мэтай высвятлення асобы парушальніка супрацоўнікі міліцыі адпрацоўвалі пад’езды дома, дзе, як мяркуецца, магла знаходзіцца кампанія, апытвалі жыхароў і відавочцаў. У выніку праведзеных мерапрыемстваў падазраваны быў затрыманы. Узбуджана крымінальная справа.
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…