«Казюкі» ў Гродне традыцыйна праходзяць 4 сакавіка — у дзень памяці Святога Казіміра, апекуна рамеснікаў. І кірмаш з гэтай нагоды апошнія гады ў Гродне ладзілі менавіта 4. У гэтым годзе гэта панядзелак, працоўны дзень. Нязручна і самім гродзенцам, і прыезджым. Так што кірмаш разгорнецца на Савецкай плошчы ўжо ў нядзелю, 3 сакавіка, а скончыцца 4.
Як распавялі ў Цэнтры культуры Гродна, ужо паступіла каля 150 заявак ад рамеснікаў з усёй Беларусі. Чакаюць таксама гасцей з Польшчы, Літвы, Украіны.
Паралельна з гандлем плануюць забаўляльную праграму і выступленне фальклорных калектываў Беларусі і Польшчы.
— Урачыста адкрыем кірмаш у 12 гадзін у нядзелю. Рыхтуем насычаную і разнастайную праграму, якая, спадзяемся, спадабаецца гасцям. Песні будуць гучаць на беларускай, польскай, украінскай, рускай мовах. Чакаем, што ў Гродна прыедуць калектывы з Польшчы. Плануем, што прыедзе ансамбль «Яблынька» са Стаўбцоўскага раёна, які пакажа гасцям унікальны старадаўні беларускі абрад, — распавёў галоўны рэжысёр Цэнтра культуры Ігар Нікулін.
Як распавёў старшыня Гродзенскага гарадскога аддзялення Саюза палякаў на Беларусі Казімір Знайдзінскі, будуць і пачастункі: фірмовы напой свята, польскія пончыкі і яшчэ пара цікавых страў для дэгустацыі.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…