Самая вялікая ў краіне і адзіная сярод абласных цэнтраў - назіральная пляцоўка на даху ГД «Нёман» — на зіму ўзяла паўзу ў працы. Журналіст «Вячэрняга Гродна» высвятліў, калі пляцоўка з кафэ зноў запрацуе, і што там зменяць да новага сезона.
Падняцца на дах можна будзе, калі на вуліцы будзе ўстойлівае цёплае надвор’е. Калі пастаянны «плюс» будзе ўжо ў сакавіку, то пляцоўка запрацуе ў сакавіку, распавёў дырэктар ААТ «Гандлёвы дом «Нёман» Аляксей Яўлаш.
— Цяпер мы шукаем варыянты, як павялічыць плошчу намётаў. Шмат праблем дастаўляюць вятры, таму разглядаем магчымасць устаноўкі дадатковых бакавых агароджаў, каб абараніцца ад парываў. Хочацца сказаць, што праект агляднай пляцоўкі быў цяжкім. Таму наступныя змены даюцца яшчэ цяжэй, — дадаў Яўлаш.
З моманту адкрыцця ў жніўні 2018 года аглядную пляцоўку наведала па самых сціплых падліках каля 200 тысяч чалавек.
Нагадаем, будаўніцтва пляцоўкі пачалося ў сакавіку 2017 года. Агульная плошча зоны — 800 квадратных метраў. Яна размешчана на вышыні 25 метраў. Праект абыйшоўся ў паўмільёна даляраў, акупіць гэтыя грошы плануюць праз 3−4 гады. Трапіць наверх можна двума спосабамі: альбо на панарамным ліфце, альбо па лесвіцы з правага боку будынка. Дарэчы, падчас фестывалю нацыянальных культур, калі прайшоў свайго роду «тэст-драйв» пляцоўкі, наверсе пабывала больш за 9 тысяч чалавек.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…