Спірт пастаўлялі ў Беларусь з Расіі. Усяго выяўлена кантрафакту на суму каля трохсот тысяч беларускіх рублёў. Гэта найбольшае з пачатку года затрыманне кантрафактнай спіртазмяшчальнай вадкасці ў маштабах краіны.
— У ходзе праведзеных аглядаў аўтамабіляў і памяшканняў на тэрыторыі Гродна і раёна канфіскавана каля пятнаццаці тысяч літраў этылавага спірту, заводскім спосабам разлітага ў пяцілітровыя пластыкавыя каністры, — паведамілі ў прэс-службе УУС Гродзенскага аблвыканкама.
Першапачаткова было вядома пра затрыманне аўтамашыны Рэно. Ёй кіравалі вадзіцелі аднаго з ПУП Гродна. У паўпрычэпе праваахоўнікі выявілі 1499 ёмістасцяў па 5 літраў кожная, у якіх знаходзілася 7495 літраў этылавага спірту «Ферэйн».
Практычна адначасова ў аграгарадку Азёры Гродзенскага раёна затрымалі аўтамашыну «Мэрсэдэс Віта». 34-гадовы кіроўца перавозіў каля 496 ідэнтычных ёмістасцяў з 2480 літрамі спірту.
— Праз некалькі гадзін пры аглядзе адной з кватэр па вуліцы Дамброўскага ў Гродне і дома ў вёсцы Жытомля Гродзенскага раёна ў 64-гадовай жыхаркі Гродна выяўлена і канфіскавана 924 аналагічныя ёмістасці з 4620 літрамі таго ж спірту, — пракаментавалі ў прэс-службе УУС Гродзенскага аблвыканкама.
У дачыненні да чатырох грамадзян распачаты адміністрацыйныя працэсы. Зараз у дачыненні да затрыманых складзены адміністрацыйныя пратаколы. На аўтамабілі накладзены арышт. Агульны кошт арыштаванай маёмасці 80 000 беларускіх рублёў.
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…