Парк актыўнага адпачынку «Каробчыцкі Алімп» пад Гродна 3 лістапада прыме чэмпіянат і першынства Беларусі па лёгкаатлетычным кросе. Найлепшыя бегуны краіны па выніках аднаго з забегаў складуць каманду для ўдзелу ў чэмпіянаце Еўропы. Дэталі паведамляе БЕЛТА.
У праграму турніру для мужчын і жанчын розных узроставых катэгорый улучаны дыстанцыі на 8, 6, 4, 3, 2, 1,5 і 1 км. Усе яны будуць праходзіць па коле ў 1 км. Чакаюць каля 300 удзельнікаў з усіх рэгіёнаў краіны.
Схілы гарналыжнага комплексу ў апошнія гады ўсё часцей прыцягваюць лёгкаатлетаў. Традыцыяй сталі тут і сустрэчы тых, хто бегае кросы. Да арганізацыі трасы падыходзяць творча: яна штораз новая. Перасечаная мясцовасць, перапады вышынь дазваляюць зрабіць забегі цікавымі і для гледачоў, і для саміх атлетаў. Апроч таго, развітая інфраструктура робіць правядзенне спаборніцтваў камфортным, — расказала намесніца галоўнага суддзі спаборніцтваў Галіна Арцюшеўская.
Яна падкрэсліла, што чэмпіянат рэгулярна збірае найлепшых бегуноў краіны. Забег на 1,5 км будзе прысвечаны памяці знакамітых гродзенскіх трэнераў Уладзіміра і Іванны Храмавых. Па выніках, паказаных менавіта на гэтай дыстанцыі, будзе сфармавана асобная беларуская каманда для ўдзелу ў чэмпіянаце Еўропы. Кантынентальнае першынства адбудзецца ў снежні ў Нідэрландах. Акрамя таго, у праграму чэмпіянату ўлучана эстафета 5×1 км, пераможцаў якой чакаюць прызы ад упраўлення спорту і турызму Гарадзенскага аблвыканкама.
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…