Як пісаў Гродзенскі Зелёный партал, экалагічная катастрофа напаткала рэчку Ласасянка: падчас дажджоў у яе нясуцца брудныя сцёкі з-за забітай каналізацыі і разбуранай ліўнёўкі. І ўсё гэта з-за добраўпарадкавання ў 2-м завулку Вольгі Соламавай у Гродне.
Па замове ГУКВП «Гроднаводаканал» некалькі гадоў таму будаўнікі праклалі каналізацыю да прыватных дамах, пабудавалі помпавую падстанцыю, але дарогу і ліўнёўку развалілі цяжкай тэхнікай і кінулі.
Жыхары мікрараёна Фолюш напісалі калектыўны ліст аб жудасным стане дарогі і брудных сцёках ў рэчку Ласасянка. Літаральна на наступны дзень пасля публікацыі на Гродзенскім Зялёным партале аўтары ліста атрымалі адказ з «Гроднаводаканал». На аднаўленне разрухі пасля добраўпарадкавання не хапіла бюджэтных грошай, будаўнікі з лідскай прыватнай фірмы проста кінулі працу.
У лісце прызналі, што «калодзец ліўневай каналізацыі і вадасцёкавая канава знаходзяцца ў нездавальняючым стане». А фекальных каналізацыя падчас апошняга залевы не справілася з-за засора «дзіцячымі гігіенічнымі прадметамі».
Пачысціць ліўнёўку і прыбраць тэрыторыю павінна гродзенская гарадская жыллёва-камунальная гаспадарка. Ужо з панядзелка, 13 жніўня, будаўнічы трэст «Гродногорстрой» павінен заняцца аднаўленнем дарожнага пакрыцця ў завулку, у тым ліку на прылеглых вуліцах.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…