У раёне Аўгустоўскага канала з’явіўся незвычайны госць — мядзведзь. Пра гэта піша БЕЛТА, а таксама шэраг польскіх рэсурсаў.
— Заўважылі сляды неўласцівай для гэтых месцаў жывёлы пагранічнікі. Звярнуліся да нас. Аказалася, што на тэрыторыю краіны зайшоў малады мядзведзь, — распавёў майстар леса Аўгустоўскага лясніцтва Іван Садкоўскі.
Упершыню мядзведжыя сляды ўбачылі палякі 7 ліпеня на памежжы Польшчы і Беларусі. Беларускія пагранічнікі тады паведамілі, што за дзень да гэтага такія ж сляды бачылі на літоўскай мяжы.
Польскія леснікі з Аўгустоўскага павету 18 ліпеня расказалі, што жывёла — буры мядзведзь — хутчэй за ўсё прыйшла з Літвы.
— Апошні буры мядзведзь у гэтай мясцовасці быў заўважаны ў 1919 годзе, — сказаў «Super Express» прадстаўнік рэгіянальнага ўпраўлення дзяржаўных лясоў у Беластоку Яраслаў Краўчык.
— Беларускія памежнікі паведамілі нам, што за дзень да гэтага былі знойдзены аднолькавыя сляды на беларуска-літоўскай мяжы і назіраўся буры мядзведзь, — сказала Кацярына Здановіч, прэс-сакратар Падляшскага аддзялення Польскай памежнай службы.
Мядзведзя цяпер спрабуюць адшукаць ляснікі. Яны падазраюць, што ён шукае самку, бо ў ліпені ў мядзведзяў акурат праходзіць перыяд спарвання.
Складана сказаць, ці можа мядзведзь паселіцца ў раёне Аўгустоўскага канала на беларускім баку. Сёння гэта месца папулярна ў турыстаў, яно занадта люднае і шумнае для гэтага звера. Зрэшты, у лясах вакол канала жывуць і ласі, і казулі, і драпежнікі - ваўкі і рысі. Магчыма, фауна насельнікаў гэтых месцаў і пашырыцца. У апошнія дзесяцігоддзі мядзведзі на беларускім баку Аўгустоўскага канала не заўважаліся.
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…