35-летний строитель Иван из Гродно
Два гады турмы мог атрымаць 35-гадовы гродзенец, на старонцы якога ў ВК з’явіліся порнаролікі. Але суд вырашыў, што калі мужчына заплаціць штраф 980 рублёў і год будзе паводзіць сябе ўзорна, то ў выпраўленчую ўстанову можа не адпраўляцца. Крымінальную справу разглядалі ў судзе Ленінскага раёна Гродна 20 чэрвеня.
Гісторыя пачалася яшчэ ў 2012 годзе. Не думаючы пра наступствы, мужчына захоўваў у сябе на сцяне ў сацыяльнай сетцы Вконтакте відэа парнаграфічнага зместу. Усяго за шэсць гадоў на старонцы, якая была падпісана выдуманым імем, з’явілася каля 40 забароненых для размяшчэння відэа. Доступ да старонкі Івана быў адкрыты і порнаролікі маглі глядзець усе. За некалькі гадоў відэа набралі па некалькі тысяч праглядаў.
Міліцыя зацікавілася Іванам у пачатку 2018 года. Ужо пасля экспертызы мужчына прызнаўся, што захоўваў відэа з дапамогай тэлефона: рабіў гэта для асабістага карыстання і не ведаў, што іх могуць глядзець іншыя людзі.
«Я працую будаўніком і часта ў камандзіроўках, — распавядае Іван. — Порнаролікі захоўваў, таму што падабаліся. Але я не ведаў, што доступ да старонкі быў адкрыты. Тым больш не ведаў, што за размяшчэнне іх у сацыяльнай сетцы можна трапіць пад крымінальную адказнасць».
Мужчыну абвінавачвалі ў тым, што ён захаваў відэа з мэтай распаўсюджвання, г. зн. здзейсніў дзеянні з ч 2. арт. 343 КК — «Захоўванне з мэтай распаўсюджвання і распаўсюджванне парнаграфічных матэрыялаў з выкарыстаннем інтэрнэту».
На судзе мужчына раскаяўся, паабяцаў такім больш не займацца і папрасіў строга не караць.
У выніку суд віну Івана прызнаў: 35-гадовага гродзенца пакаралі пазбаўленнем волі на два гады з адтэрміноўкай выканання на год. Таксама ён павінен заплаціць 980 рублёў крымінальна-прававой кампенсацыі (40 базавых велічыняў). Калі Іван на працягу года будзе паводзіць сябе ўзорна, то ў выпраўленчую ўстанову яго не накіруюць. Калі за гэты перыяд гродзенец патрапіць у міліцыю, то яго ўжо будуць чакаць два гады турмы.
Пасля выхаду з залы суда мужчына ўздыхнуў з палёгкай. Распавёў, што цяпер будзе працаваць на штраф. І не будзе парушаць закон.
«Карыстаючыся выпадкам, хачу сказаць, каб людзі былі ўважлівыя і не захоўвалі што папала на сваіх старонках у сацыяльных сетках. А калі ёсць нешта забароненае, то абавязкова трэба выдаляць. Усе нашы старонкі ў інтэрнэце праглядаюцца аператыўнікамі. У маёй сітуацыі магло ўсё быць значна горш. Пашанцавала, што вынеслі такі прысуд», — распавёў Іван.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…