Кожны другі жыхар Гродзеншчыны жыве ў месяц на суму, якая не перавышае 400 рублёў, паведамляе Гродно 24. Пра гэта гаворыцца ў выбарачным даследаванні сем’яў за апошні квартал мінулага года, якія правялі статыстычныя органы.
За мінулы год знізілася колькасць тых, хто жыве на суму да 150 рублёў у месяц — іх стала менш на 3%. Пры гэтым вырасла колькасць гродзенцаў, якія распараджаліся ў кастрычніку-снежні мінулага года сумай больш за 600 рублёў. У цэлым, 54,9% жыхароў рэгіёну мелі на руках суму не больш за 400 рублёў. Па сярэднеўзважанаму курсу за той перыяд (1,9905 рублі за долар), выходзіць, што кожны другі гродзенец жыў на 200 або менш даляраў у месяц.
Ніяк не змянілася сітуацыя з тымі, у каго даходы не перавышаюць бюджэт пражытачнага мінімуму. Роўна 5% жыхароў вобласці жылі ніжэй за рысу беднасці як у канцы 2016 года, так і ў канцы 2017-га.
Пры гэтым адзначым, што колькасць беднякоў у нашай вобласці самая нізкая сярод астатніх абласцей. Напрыклад, у Брэсцкай вобласці гэты паказчык складае 8,4%, а ў Гомельскай — 8,1%.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…