Рэстаран «Хотей» і апарт-гатэль адкрыюцца восенню ў будынку па вуліцы Калючынскай, 23. За рэканструкцыю гэтай камяніцы яшчэ ў 2016 годзе ўзяўся вядомы прадпрымальнік Станіслаў Сямашка.
Да чэрвеня будаўнікі павінны падрыхтаваць фасад будынка і вуліцу Калючынскую, бо ў цэнтры Гродна будзе праходзіць фестываль нацыянальных культур. Па словах прадпрымальніка Станіслава Сямашкі, ужо ў верасні ў будынку павінен адкрыцца рэстаран «Хотей» і апарт-гатэль. А вось першага рэстарана хуткага харчавання McDonald’s у Гродне ў гэтым будынку дакладна не будзе.
Дом па вуліцы Калючынскай, 23 быў пабудаваны да вялікага пажару горада 1885 г. Ён быў адным з найбольшых будынкаў тагачаснага Гродна. У ім размяшчаліся яўрэйскiя навучальныя ўстановы. Адсюль выйшлі будучыя галоўныя рабіны Тэль-Авіва і Ізраіля Амiель і Унтэрман. У савецкi час у доме размяшчаўся інтэрнат, а з часам будынак прызналі непрыдатным для жыцця.
Нежылы будынак прадпрымальнік Станіслаў Сямашка набыў на аўкцыёне ў 2016 годзе. Згодна з умовамі таргоў набыты будынак трэба было рэканструяваць пад грамадскі аб’ект.
Сямашка атрымаў дазвол на праектаванне гасцінічнага комплексу, зрабіў праектную дакументацыю, якую ўзгаднілі на мясцовым і рэспубліканскім узроўнях. У канцы лютага 2017 года пачаліся работы ў паскораным рэжыме: планавалася, што да канца года гасцiнiцу здадуць. У канцы кастрычніка 2017 года бізнесмен звярнуўся ў гарвыканкам для карэкціроўкі праектнай дакументацыі. Тады стала вядома, што гасцініца не будзе займаць увесь будынак.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…