На Аўгустоўскім канале з’явяцца дзве яхты, летняя кавярня, рэстаранны компелекс, а ахвотныя змогуць арэндаваць маторную лодку на чатыры чалавекі.
Тыдзень таму цеплаход «Нёман» здзейсніў два рэйсы з літоўскімі турыстамі на борце. У выходныя дні ён будзе рабіць шэсць-восем рэйсаў па раскладзе. Па заяўках судна стане курсіраваць цэлы тыдзень. У гэтым сезоне цану на білет знізілі з 10 да 8 рублёў. Заказ усяго цеплахода абыйдзецца ў 300 рублёў.
Дзве новыя яхты будуць адпраўляцца са шлюзаў Дамброўка і Чарток, піша «Перспектыва».
Па-ранейшаму адпачывальнікам прапануюць напракат катамараны (пяць з іх закупілі летась) і лодкі (кошт 10 рублёў у гадзіну). Можна будзе арандаваць ровары (5 рублёў у гадзіну), альтанкі (6−8 рублёў у гадзіну) і пакоі адпачынку (20 рублёў за чалавека ў суткі).
Да гэтага сезона ўмацавалі два кіламетры берага фашынным мацаваннем (звязкі дубцоў, начыненыя галькай і друзам). Тэхналогія дазваляе гасіць энергію водных патокаў і выключае падмыў і разбурэнне краёў зямлі ў воднай роўнядзі.
На беразе побач са шлюзам Дамброўка ўсталююць летнюю кавярню. Да 2024 года каля вёскі Чарток збіраюцца пачаць будаваць і рэстаранны комплекс на 25 пасадачных месцаў і 12 домікаў для пражывання. Кошт праекта — каля 400 тысяч еўра.
У найбліжэйшы час павінны прывезці шэсць біяпрыбіральняў.
У гэтым годзе на Аўгустоўскім канале стане на адну аграсядзібу больш. Усяго ў ваколіцах дзейнічае 16 такіх аб’ектаў, палова з іх — уздоўж берага.
Жыхарка Астраўца апублікавала ў "Аднакласніках" сумеснае фота палюбоўніцы з яе мужам. У подпісе да фота…
На шклозаводзе "Нёман" у Бярозаўцы прайшлі затрыманні. У Гродне за падпіскі ў Telegram судзілі непаўналетнюю.…
Адзінаццацігадовая дзяўчынка, якая пацярпела на лідскім атракцыёне, знаходзіцца ў Лідскай цэнтральнай раённай бальніцы. Яе шпіталізавалі…
Гродзенцы Зміцер і Вольга Фурманавы адкрываюць у цэнтры Вільні краму і творчую прастору "Kropka". Там…
Тры новыя тралейбусы з запасам аўтаномнага ходу да 20 км ужо паступілі ў Аўтобуснае ўпраўленне…
Святкаванне Дня Перамогі ў Гродне пачалі з акцыі "Беларусь памятае" - шэсця з партрэтамі ўдзельнікаў…