У эфіры праграмы «Время футбола» старшыня Гродзенскага гарвыканкама Мечыслаў Гой, распавёў, што ў выпадку перамогі «Нёмана» над БАТЭ ў паўфінале Кубка Беларусі, гродзенскую каманду чакаюць добрыя прэміяльныя.
Нагадаем, першы матч ½ фіналу Кубка Беларусі БАТЭ — «Нёман» пройдзе 18 красавіка ў Барысаве.
«Заслуга футбалістаў будзе дастаткова ацэненая. Сума? Мы пра гэта пакуль казаць не будзем" — сказаў Гой у эфіры праграмы.
Таксама ў эфіры праграмы Мечыслаў Гой не стаў раскрываць памер бюджэту «Нёмана» на новы сезон, але адзначыў, што ён вышэйшы, чым у 2017 годзе.
Нагадаем, бюджэт «Нёмана» у мінулым сезоне складаў 1 мільён долараў. У сезоне 2016 — 1,4 млн долараў.
«Асноўная сума ўжо ёсць сёння. Пакуль яе не магу агучыць, таму што яна неканчатковая. Хачу сказаць пра тое, што яна значна вышэй за ўзровень мінулага года. Адпаведна, задача стаіць выступіць не горш, чым у мінулым годзе. А гэта, калі меркаваць па мінулым годзе і ачках, практычна чацвёртае месца. Задача такая будзе пастаўлена перад клубам: выступіць не горш за ўзровень мінулага года», — сказаў Гой.
Закрануў старшыня ў праграме і наведвальнасць матчаў «Нёмана», і як прыклад прывёў стадыён у Брэсце.
«Гледачы Брэста — гэта як прыклад. Малайцы, вядома. Добрая гульня, нармальныя ўмовы на стадыёне плюс бонусы ўваходу на арэну — наведванне жанчынам, дзецям і ветэранам бясплатна. А для ўсіх астатніх нязначна падымем сумы квіткоў. Але ўсё залежыць ад таго, як будзе гуляць каманда. А па-другое, і мяне ў гэтым ніхто не пераканае, чым больш дзяцей нашых будзе займацца футболам, тым больш гледачоў з’явіцца ў нас на стадыёне. Каб паглядзець, як гуляюць прафесіяналы. Вось у такім накірунку я павінен працаваць», — дадаў Гой.
Гродзенскі «Нёман» стартуе ў чэмпіянаце Беларусі ў пятніцу 30 сакавіка. Каманда Ігара Кавалевіча дома будзе прымаць «Віцебск». Пачатак матчу ў 19:30.
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…