Футбаліст гродзенскага «Нёмана» Руслан Зубкоў на сустрэчы з заўзятарамі, якая праходзіла ў пятніцу 23 сакавіка ў забаўляльным цэнтры «Галактыка», выканаў вядомую песню гурта Brutto «Воины света».
Такі падарунак для заўзятараў стаў вялікай нечаканасць. Ніхто не ведаў, што ўкраінскі легіянер «Нёмана», акрамя таго, што гуляе ў футбол, яшчэ і музыкай займаецца. Выступіць на сустрэчы з заўзятарамі футбалісту прапанавалі прадстаўнікі клуба, Руслан не адмовіўся.
«Спяваю я з самага дзяцінства, гэта маё маленькае хобі, — распавядае Руслан. — І зараз у Гродне, я часта спяваю, асабліва з жонкай мы любім гэта рабіць. У камандзе хлопцы ведалі пра маё захапленне, бо мне даводзілася ўжо ў канцы мінулага сезону выступаць на вечарыне перад усімі.
Песня «Воины света» мне вельмі падабаецца, яна запала мне ў душу, калі я дэбютаваў у Вышэйшай лізе Украіны і пачуў яе на стадыёне «Дняпра». Гэтую песню тады выконвалі 15 тысяч заўзятараў нашага суперніка. Мы тады выйшлі на гульню і прайгралі яе яшчэ да свістка. Выкананне гэтай песні было проста да мурашак.
Хацелася б, каб у будучыні і нашы гродзенскія заўзятары зрабілі сваю традыцыю і спявалі б якую-небудзь песню перад стартам матчу. Напрыклад, «Воины света» у мяне асацыюецца з боем на футбольным полі, можна было б i гэту песню выконваць".
Руслан Зубкоў адзначыў, што гатовы выканаць «Воины света» і перад заўзятарамі на стадыёне.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…