12 гадоў калоніі: вынесены прысуд па жорсткім забойстве ў Слоніме

Фота Дзмітрый Брушко, TUT.BY

Прысуд 17-гадоваму Аляксандру Грудзько, які 29 красавіка 2017 года ў Слоніме забіў сваіх бабулю і дзядулю, быў вынесены 23 лютага. Пра гэта паведаміў Hrodna.life прэс-сакратар Гродзенскага абласнога суда Павел Варэйка. Суд прызнаў Г. вінаватым у забойстве двух асоб, учыненым з асаблівай жорсткасцю (п.п. 1, 6 ч.2 арт.139 КК).

Як устаноўлена судом, непаўнагадовы Аляксандр 29 красавіка 2017 г. у перыяд з 23.00 да 00.00 падчас сваркі са сваёй бабуляй Таццянай Богдан і са сваім дзедам Леанідам ​​Богданам наўмысна пазбавіў іх жыцця.

Пры гэтым абвінавачаны дзейнічаў з асаблівай жорсткасцю, нанес вялікую колькасць удараў, забіваў іх у прысутнасці адзін аднаго, усведамляючы, што сваімі дзеяннямі прычыняе ім асаблівыя пакуты.

Судом устаноўлена, што абвінавачаны  наўмысна нанёс бабулі не менш за 16 ўдараў нажом, а дзеду – не менш за 27 ўдараў нажом, саўком ці сякерай.

У выніку дзеянняў пацярпелыя атрымалі цяжкія пашкоджанні, ад якіх памерлі на месцы.

Суд прызнаў Аляксандра Грудзько вінаватым у наўмысным забойстве двух асобаў, здзейсненым  з асобай жорсткасцю. На падставе п.п. 1.6 ч. 2 арт. 139 Крымінальнага кодэкса Рэспублікі Беларусь яму прызначана пакаранне ў выглядзе пазбаўлення волі тэрмінам на 12 гадоў у выхаваўчай калоніі.

Прысуд не ўступіў у законную сілу і можа  быць абскарджаны і апратэставаны ў Вярхоўным Судзе праз Гродзенскі абласны суд.


Як раней пісаў TUT.BY, забітыя – слонімскі скульптар Леанід Богдан і яго жонка Тамара. Іх унуку ў момант злачынства было 16 гадоў, у жніўні яму споўнілася 17. Знаёмыя сям’і распавядалі, што бабуля з дзядулем гадавалі Сашу з трох гадоў. Мама хлопчыка ў апошні час жыла ў Арабскіх Эміратах, дапамагала грашыма, прыязджала ў госці. Як паведамляла абласная міліцыя, падчас канфлікту ўнук узяў нож, металічны шуфлік, забіў бабулю і сур’ёзна параніў дзядулю. Пенсіянер прасіў выклікаць хуткую, але Аляксандр адправіўся ў гараж, узяў сякеру і дабіў скульптара. Пазней вопратку і сякеру падазраваны выкінуў у балоцістую мясцовасць на рацэ Шчары, якая працякае недалёка ад дома. Далей юнак накіраваўся ў Свята-Траецкі сабор і распавёў святару, што ў хату ўварваліся рабаўнікі ў масках і здзейснілі забойства. Супрацоўнікі міліцыі, якія прыбылі на месца, высветлілі, што ніякіх рабаўнікоў не было. Крыху пазней Аляксандр прызнаўся ў забойстве.

comments powered by HyperComments

Раім пачытаць

Каментары

Spelling error report

The following text will be sent to our editors: