У карупцыйным злачынстве абвінавацілі начальніка падраздзялення Гродзенскага вытворчага ўпраўлення «Гроднагаз», паведамляе ўпраўленне СК.
«Са жніўня 2015 года па снежань 2016 года 34-гадовы кіраўнік ўступіў у злачынную змову з прадстаўніком некалькіх суб’ектаў гаспадарання, якім на падставе заключаных дагавораў платна аказвалі паслугі па захоўванні звадкаванага вуглевадароднага газу», — расказаў афіцыйны прадстаўнік упраўлення Следчага камітэта па Гродзенскай вобласці Сяргей Шаршаневіч.
Пасля гэтага мужчына атрымліваў хабар за тое, што яго падначаленыя выконвалі неўласцівую ім працу: сканавалі, капіявалі і адпраўлялі дакументы і афармленні міжнародных аўтатранспартных накладных.
Акрамя гэтага, для выгады захоўвалі штомесячныя тэхналагічныя паказчыкі страт газу. Гэта дазваляла не кампенсаваць яго страты пры захоўванні.
[irp posts="44 656″ name="За «адкаты» цягам 8 гадоў асудзілі дырэктара і намесніцу «Гроднааблсаюздрука""]
Агулам абвінавачаны атрымаў у якасці хабару 12 тысяч долараў. Зараз ён пад вартай. Следчыя арыштавалі яго маёмасць у суме каля Br85 тыcяч.
«Дзеянні службовай асобы кваліфікаваныя следствам па ч. 3 арт. 430 КК (атрыманне хабару ў асабліва буйным памеры)», — адзначыў Сяргей Шаршаневіч.
Крымінальная справа накіраваная пракурорам для разгляду ў суд.
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…