Горад

Філармонію ў Гродне змогуць здаць у 2018 годзе. Калі будуць грошы

Рэканструкцыя галоўнай канцэртнай пляцоўкі вобласці пачалася яшчэ ў лютым 2012 года, але на канец 2017 аб’ект усё яшчэ не здадзены. Сёння аб заканчэнні будаўніцтва ніхто не спяшаецца казаць, але ёсць верагоднасць, што аб’ект здадуць ужо ў наступным годзе, калі будуць створаны спрыяльныя фінансавыя ўмовы. Магчыма, гэта адбудзецца да фестывалю нацыянальных культур.

Пасля некалькіх «замарозак» аб’екта працы ў філармоніі аднавіліся ў 2016 годзе і сёння працягваюцца, дзякуючы фінансаванню ў рамках абласной інвестыцыйнай праграмы. Зараз на аб’екце вядуцца аддзелачныя работы, якія выконвае «Гроднапрамбуд». Плануецца, што, калi будуць сродкi, у бліжэйшы час у фiлармонiю будзе закуплена светлавое і гукавое абсталяванне.

«Работы па рэканструкцыі аднавіліся, зараз мы ўжо сканчаем аддзелачныя работы і стаіць пытанне закупкі абсталявання. Дастаўка патрэбнага абсталявання будзе доўжыцца да 6 месяцаў. Гатовая канцэртная зала філармоніі будзе разлічана на 1200 наведвальнікаў», — распавёў дырэктар УП «Інстытут» Гроднаграмадзянпраект «(прадпрыемства — заказчык аб’екта) Вячаслаў Тарасевіч.

Будынак філармоніі да рэканструкцыі
Ужо год у будынку філармоніі адкрыты адміністрацыйны корпус, працуе харэаграфічная зала, рэпетыцыйныя класы і грымёркі. Таксама пачалі працаваць касы, дзе можна купіць квіткі на канцэрты артыстаў філармоніі і канцэрты прыезджых артыстаў. Ад старога будынка філармоніі пасля будаўнiчых прац практычна нічога не засталося, акрамя апорных каркасаў.

Плануецца, што побач з філармоніяй, на месцы знесенага гарбарнага завода, з’явіцца паркоўка на 50 машына-месцаў.

Даведка

Гродзенская абласная філармонія пачала працу больш за 30 гадоў таму — 1 лютага 1987 года. Пачаткова яна размяшчалася па вуліцы Савецкай, 8, а канцэрты праводзіліся насупраць — у канцэртнай зале «Гродна». У 2002 годзе філармонія пераехала ў былы Дом культуры хімікаў. Падчас рэканструкцыі будынка абласная філармонія знаходзілася па адрасе Паповіча, 5, на 13-м паверсе былой гасцініцы «Гродна».

Падзяліцца

Апошнія запісы

Ад 5000 да 37 000 еўра: у гістарычным цэнтры Гродна прадаюць памяшканні пад бізнес

Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…

6 мая 2024

Памятаеце вінны бар «Чырвоным па белым»? Ягоная ўладальніца адкрыла італьянскую кавярню ў Скідалі - і вось як ідуць справы

Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…

6 мая 2024

Стала вядома, які расіянін выкупіў сінагогу ў Слоніме. Прыбыткі яго кампаніі вылічваюцца мільёнамі еўра

Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…

6 мая 2024

Затрыманні ў Лідзе, завочныя суды, абскарджанне штрафу. Як прайшоў тыдзень у Гродне і вобласці

У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…

6 мая 2024

Кампазітара родам з Гродна ўзнагародзілі найвышэйшым ордэнам Польшчы

Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…

6 мая 2024

Кіберпартызаны атакавалі «Гродна Азот». Яны выдаляюць дадзеныя, пакуль не вызваляць палітвязняў

На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…

3 мая 2024