Калі Вы маеце веды і ўменні, якімі хочаце падзяліцца з іншымі, калі хочаце паспрабаваць сябе ў ролі вядучага ці выкладчыка, заяўляйцеся на Гарадзенскія Майстэрні Ведаў!
Што такое Гарадзенскія Майстэрні Ведаў?
Гэта праграма нефармальнай адукацыі, накіраваная на абмен карыснымі ведамі і ўменнямі для прафесійнага і асабістага развіцця, а таксама працы на карысць грамадству. Гарадзенскія Майстэрні Ведаў — цыкл майстар-класаў, прэзентацый, трэнінгаў (працягласцю да 2 гадзін) на самую розную тэматыку, якія праходзяць на розных пляцоўках у горадзе.
Майстэрні: як гэта працуе?
Спачатку арганізатары шукаюць і адбіраюць выкладчыкаў, якія прапаноўваюць свае тэмы заняткаў у межах Майстэрняў, дапамагаюць выкладчыкам падрыхтаваць цікавую абвестку пра свае заняткі.
Затым складываецца праграма заняткаў Майстэрняў Ведаў і прапануецца гарадзенцам заявіцца на ўдзел у гэтых занятках. Фінальная версія праграмы Майстэрняў фармуецца людзьмі, якія заяўляюцца ў якасці ўдзельнікаў заняткаў: калі група збіраецца — заняткі таго альбо іншага выкладчыка ўключаюцца ў праграму, калі не — заняткі адкладаюцца да лепшых часоў:)
Выкладчыкі праводзяць свае заняткі бясплатна. Удзельнікі таксама нічога не плацяць за ўдзел у занятках.
Як усё пачыналася?
Арганізатарам Гарадзенскіх Майстэрняў Ведаў з’яўляецца установа «Цэнтр дадатковай адукацыі дарослых «Студыя карысных кампетэнцый».
Праграма пачала сваю працу ў Гродне ўвосень 2016 г. З таго часу былі арганізаваныя чатыры Майстэрні, у межах якіх адбыліся 32 розныя майстар-класы і заняткі. Тэмы заняткаў самыя розныя: экалогія, інфаграфіка, гендар, правы чалавека, журналістыка, псіхалогія, танцы і інш. Іх удзельнікамі сталі каля 250 чалавек рознага ўзросту і розных інтарэсаў.
Як заявіцца ў якасці вядучага на Майстэрні Ведаў?
Каб прапанаваць майстар-клас, трэнінг альбо прэзентацыю — запоўніце заяўку да 19-га снежня. Арганізатары звяжуцца з Вамі да 22 снежня, каб ўзгодніць далейшыя дзеянні па падрыхтоўцы заняткаў.
Арганізатары прадастаўляюць бясплатнае памяшканне, забяспечваюць рэкламу і набор групы.
Маеце пытанні? Затэлефануйце альбо напішыце арганізатарам:
+ 375 33 634 10 41 edustudio.hrodna@gmail.com
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…