Надрукаваць сваю гравюру па старадаўняй тэхналогіі могуць наведвальнікі інтэрактыўнай выставы ў Гродзенскім дзяржаўным музеі гісторыі рэлігіі, паведамляе БЕЛТА.
У музеі пачала працу экспазіцыя «Адкрыццё святой прыгажосці», прысвечаная 500-годдзю беларускага кнігадрукавання.
«2017 год — юбілейная дата для беларускай гравюры. У музеі ёсць калекцыя гравюрных дошак XIX стагоддзя, за час існавання музея яны як адзіная калекцыя ні разу не экспанаваліся. У тым ліку не выстаўляліся яны таму, што выкананы ў невялікім фармаце, ды і з-за люстранога малюнка шматсюжэтныя кампазіцыі з мноствам дробных дэталяў на гравюрах прачытаць досыць складана», — адзначыў старэйшы навуковы супрацоўнік музея Ігар Ганчарук.
У музеі знайшлі магчымасць зрабіць адбіткі з гравюрных дошак і цэласна прадставіць гравюры з фондаў. Зрабіць гэта ўдалося дзякуючы адмысловаму станку, які сканструяваў майстра з Мінска. Гэты станок — адзін з цэнтральных элементаў выставы. Кожны наведвальнік можа адчуць сябе кнігадрукаром з мінулага і паспрабаваць надрукаваць сваю гравюру.
Матрыцы для гравюр вырабіў мастак Дзмітрый Асадчы, сюжэтаў некалькі, у тым ліку і сімвалы з кніг Францішка Скарыны. Сам друк — гэта завяршальны і самы просты этап вырабу гравюры. Стварэнне матрыцы, калі малюнак выразаецца на дрэве або вытраўліваецца кіслатой на метале, даволі працаёмкі і карпатлівы працэс. Дзеці да інтэрактыву далучаюцца з задавальненнем: на клішэ наносіцца фарба, з дапамогай прэсу выява пераносіцца на паперу. Уласнаручна вырабленую гравюру можна забраць з сабой.Таксама ў экспазіцыю ўвайшлі богаслужбовыя кнігі XVIII стагоддзя, ілюстраваныя гравюрамі на рэлігійную тэму. Прадстаўлена і рэпрадукцыйная гравюра XIX стагоддзя: майстра на клішэ перанёс палотны вядомых мастакоў перыяду Адраджэння і барока.
Асобны стэнд прысвечаны інструментам майстры, які займаецца вырабам гравюр. Прадставіў іх вядомы гродзенскі графік Юрый Якавенка. Тут жа можна ўбачыць кнігу «Песня пра Зубра» з гравюрамі майстра, аддрукаваная яна была на паперы ручной работы па тэхналогіях XVI стагоддзя.
Працаваць выстава ў музеі будзе да 31 студзеня 2018 года.
[irp posts="41 560″ name="Рысь замест аленя: герб Гомеля выдалі за гродзенскі з-за тэхналагічнай памылкі"]
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…