У Гродне створаны Цэнтр рэстаўрацыі і даследавання помнікаў культуры.
У будучыні сваё месца тут зойме абсталяванне, здольнае падоўжыць жыццё прадметам, якія ўяўляюць гістарычную каштоўнасць, піша «Гродзенская праўда».
Яшчэ вясной будынак непадалёк ад парку імя Жылібера на вуліцы Акадэмічнай быў перададзены гісторыка-археалагічнаму музею. Раней тут размяшчалася адно з падраздзяленняў МНС, але ў хуткім часе кабінеты трохпавярховага будынка зоймуць сучасныя майстэрні рэстаўратараў.
— Неабходнасць стварэння абласнога цэнтра па рэстаўрацыі музейных прадметаў як нашага, так і іншых дзяржаўных музеяў, наспела даўно, — распавёў дырэктар гісторыка-археалагічнага музея Юрый Кітурка. — Толькі ў нашых фондах сёння каля 200 000 прадметаў і больш за 15 000 з іх патрабуецца ўмяшанне рэстаўратараў.
[irp posts="12 749″ name=""Рэстаўрацыя — не аднаўленне як было". Сцяпан Стурэйка пра спрэчкі вакол Старога замка"]
Мастакі-рэстаўратары і раней працавалі пры музеі, але з пераездам у прасторны будынак быў створаны аддзел, які называецца Цэнтр рэстаўрацыі і даследавання помнікаў. Працуюць тут некалькі рэстаўратараў, у будучыні штат пашырыцца.
— Рэстаўратар — прафесія адзінкавая. Знайсці, напрыклад, майстра па працы з тканінай і паперай вельмі няпроста, — працягвае Юрый Кітурка. — Сёння нашы майстры выконваюць работы, звязаныя з рэстаўрацыяй жывапісу, ікон, вырабаў з керамікі, дрэва і металу.
Праект стварэння дадзенага цэнтра атрымаў падтрымку па праграме транспамежнага супрацоўніцтва.
— Разам з калегамі Падляшскага ваяводства Польшчы падалі сумесную заяўку на атрыманне гранта і ў кастрычніку атрымалі станоўчы адказ.
[irp posts="38 909″ name="Рэканструкцыя Старога замка ў Гродне: усё, што вам трэба пра гэта ведаць"]
На рамонт і абсталяванне гродзенскіх рэстаўрацыйных майстэрняў будзе выдзелена каля паўмільёна еўра.
— Плануем закупіць фумігацыйныя камеры (маразільныя), якія патрэбны для абеззаражвання старых кніг, паперы, драўляных прадметаў. Для рэстаўрацыі жывапісу — спецыяльны вакуумны стол для распроствання і рэстаўрацыі старых палотнаў, — працягвае дырэктар гісторыка-археалагічнага музея.
— Цяпер рыхтуем прадметы, якія папоўняць экспазіцыю музея на Аўгустоўскім канале, — пакрываючы слоем фарбы драўляны куфар, кажа рэстаўратар Уладзімір Аляхно. — Гэта будуць прадметы побыту, якія адлюстроўваюць заняткі жыхароў нашага краю. Напрыклад, вадзяная бочка, прасніцы, драўляная ступа, у якой таўклі травы і зерне …
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…