Камерунскі абаронца «Нёмана» Жан Патрык Абуна-Ндзана ў сераду 22 лістапада падпісаў з гродзенскай камандай новы кантракт разлічаны на 2 гады. Падаўжэнню супрацоўніцтва з жоўта-зялёнымі футбаліст задаволены і ўжо будуе планы на будучыню.
У гэтым сезоне Абуна згуляў у 28 матчах за «Нёман», правёўшы на полі 2430 хвілін. Гэта пакуль найлепшы паказчык сярод гульцоў гродзенскай каманды за 2017 год. Жан-Патрык большую частку сезона правёў на пазіцыі крайняга левага абаронцы, а ў канцы чэмпіянату заняў месца ў цэнтральнай зоне абароны.
«Я застаюся, таму што „Нёман“ даў мне шмат часу, каб адаптавацца ў Еўропе, што не было б магчыма ў іншых камандах. Пачатак чэмпіянату ў мяне быў нялёгкім, але з часам я адаптаваўся і трэнер стаў давяраць мне. З Божай дапамогай мне атрымалася згуляць шмат матчаў у чэмпіянаце Беларусі», — кажа футбалicт.
Нягледзячы на тое, што ў «Нёмана» застаўся апошні матч сезона, для 27-гадовага абаронцы чэмпіянат 2017 года ўжо скончаны з-за дыскваліфікацыі. Абуна верыць, што яго партнёры па камандзе правядуць апошні матч на высокім узроўні і пацешаць заўзятараў.
«Ці станем мы чацвёртымi, цяжка сказаць. Усё будзе залежыць ад маіх калег. А так усё магчыма. Асабіста для мяне ў сезоне было два дрэнных матча: з» Тарпеда-БелАЗ «і з» Нафтанм", калі мы прайгралі. Я дзякую нашым заўзятарам за ўсю падтрымку на працягу сезона, якую яны нам аказвалі. Мы будзем хутка гатовы i да наступнага сезону, таму што мы будзем лепш, чым у гэтым, і, вядома ж, усё адбудзецца з Божай ласкай", — дадаў Жан -Патрык.
Калі сезона скончыцца Абуна адправіцца ў Парыж, а пасля паляціць у адпачынак дадому ў Камерун.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…