Дадаць навіну
Чацвер, 23 лістапада 2017, 09:59

У пашыраны спіс забароненых зон для дронаў унеслі і цэнтральную частку Гродна

Пералік зон у Беларусі, дзе забаронена выкарыстанне авіямадэлей, папоўніўся на некалькі дзясяткаў пунктаў. Гэта вынікае з пастановы Міністэрства абароны Беларусі ад 27 верасня 2017 года.

Першы такі спіс з’явіўся ў жніўні мінулага года. У ім было 16 пунктаў, у тым ліку цэнтр Мінска, раён Дразды, а ў Гродзенскай вобласці АЭС і «Гродна Азот».

У абноўленым пераліку – 80 радкоў. У Гродне забаронена лятаць практычна ад Новага замка, праз цэнтр горада і далей прыкладна да 20 кіламетраў у напрамку Мінска па трасе М6. Забароненыя палёты і ў раёне Гродзенскай ГЭС.

Да забароненых зон дадаліся Нацыянальны аэрапорт Мінск, рэгіён Мачулішчы, ўчасткі трас М3, М2 і Р80. Таксама закрытыя для палётаў вобласці з’явіліся над Лідай, Пінскам, Лунінцом, Віцебскам, Полацкам і ўздоўж межаў з Украінай, Польшчай, Літвой і Латвіяй.

Нагадаем, па законе, пад словам «авіямадэль» разумеецца «лятальны апарат без чалавека на борце, кіраванне палётам якога магчыма толькі пры ўмове візуальнага кантакту з ім, а таксама некіравальны свабодналятаючы апарат». У забароненых зонах выкарыстанне авіямадэлей не дапускаецца без ўзгаднення з дзяржорганам (арганізацыяй).

Пры гэтым, згодна з пастановай № 636 ад 16 жніўня 2016 «Аб некаторых пытаннях выкарыстання авіямадэлей ў Рэспубліцы Беларусь», для забеспячэння бяспекі палёту паветраных судоў выкарыстоўваць авіямадэлі можна на вышыні да 100 метраў ад узроўню зямлі (вады).

 

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

0

Spelling error report

The following text will be sent to our editors: