Справа знойдзенага скарбу доўжылася з мая 2016 года. Будаўнікі, якія знайшлі яго ў падвале старога дома, ужо не верылі, што дзяржава з імі разлічыцца. Але ў выніку 23 жніўня 2017 года ўсе рабочыя, у тым ліку і ўладальнікі будынка, атрымалі ўзнагароджанне ад дзяржавы.
Пачаткова пытанне аб знаходцы (4 пярсцёнкі і 13 манет) павінны былі вырашаць у Міністэрстве культуры, але пасля было прынята рашэнне вызначаць лёс скарбу на мясцовым узроўні.
У Гродзенскім аблвыканкаме ў маі 2017 года прайшло пасяджэнне адмысловага савета, які вырашыў лёс скарбу. Згодна з рашэннем савета знаходка застанецца ў музеі і ёй нададуць статус гісторыка-культурнай каштоўнасці трэцяй катэгорыі. А рабочым і ўласнікам будынка (усяго 7 чалавек) гродзенскі гарвыканкам павінен быў перавесці на рахунак узнагароджанне.
У жніўні ўсім датычным да знаходкі гарвыканкам прапанаваў адкрыць рахункі ў банку, каб у будучыні на іх пералічыць узнагароджанне. А ўжо 23 жніўня грошы былі пералічаны ўсім рабочых і уласнікам будынка — братам Быкоўскім.
«У якую суму скарб ацанілі, мы не ведаем, але можам сказаць, што кожнаму на рахунак было пералічана 669 рублёў (рэд. — на ўсіх 4683 рублі), — кажуць браты Быкоўскія. Мы з братам, як уласнікі будынка, адразу ж грошы перадалі на дабрачыннасць, як і казалі раней. Што зробяць працоўныя з грашыма нам невядома.
Мы задаволеныя, што ўсе пытанні са скарбам вырашаны. Ёсць тут і заслуга журналістаў, якія вялі нашу справу да канца, а то многія ўжо не верылі, што з намі разлічацца".
«Першапачаткова мы планавалі перадаць свае грошы дзіцячаму дому, але ў апошні момант убачылі навіну, што маленькай гродзенцы патрэбна тэрміновая аперацыя ў Ізраілі і на гэта збіраюць грошы. Доўга не думаючы, мы вырашылі ёй пералічыць грошы. Мы задаволеныя, што можам камусьці дапамагчы.
Ведаеце, адна залатая манета падчас вайны ў Гродна магла выратаваць адно жыццё. I тыя манеты, якія маглі схаваць вязні гета, зараз пойдуць на выратаванне іншага жыцця, і гэта праз 76 гадоў пасля пачатку акупацыі Гродна. Можа так і павінна было быць. Сабе мы грошы не пакідалі, адзінае, што мы атрымалі ад знаходкі, так гэта назву свайго бізнес-цэнтра і гэтаму вельмі радыя".
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…
За чатыры гады колькасць пасажыраў гродзенскага аэрапорта знізілася за 99% – з 10 000 да…
Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…
У пяцёрцы самых прыбытковых вакансій – дырэктар, кіраўнікі зменаў і аддзелаў, а таксама маркетолаг. Hrodna.life…
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Двух адказчыкаў прызналі вінаватымі ў нядбалым стаўленні да службы, якое прывяло да цяжкіх цялесных пашкоджанняў…