Свята, прысвечаные Дню незалежнасці, пройдзе у Гродне 3 чэрвеня. Асноўныя масавыя мерапрыемствы пройдуць з 10.00 да 13.00 гадзін на пл.Леніна, а таксама з 19.00 да 23.00 на Кургане Славы. Пра тое, як будзе ажыццяўляцца кантроль падчас свята, паведамляе Гроденскае УУС.
На Кургане славы і плошчы Леніна кантроль будзе весціся з выкарыстаннем турнікетаў. Тут ствараецца тэрыторыя бяспекі з кантрольна-прапускнымі пунктамі, на якіх будзе ажыццяўляцца асабісты дагляд грамадзян.
Трапіць на мерапрыемства на пл.Леніна можна праз 12, а на Курган Славы праз 3 кантрольна-прапускныя пункты.
Удзельнікі шэсця ад працоўных калектываў могуць прайсці да месца пабудовы святочных калон на вул. Сацыялістычная праз спецыяльна-арганізаваныя КПП.
У мэтах спрашчэння і змяншэння часу працэдуры асабістага дагляду міліцыя рэкамендуе браць з сабой мінімальную колькасць рэчаў. Таксама міліцыя нагадвае, што ўдзельнікам мерапрыемства забараняецца мець пры сабе халодную, агнястрэльную, газавую цi iншую зброю, выбуховыя рэчывы і боепрыпасы, іх імітатары і муляжы, а таксама прадметы, выкарыстанне якіх можа ўяўляць пагрозу жыццю і здароўю людзей або прычыніць матэрыяльную шкоду грамадзянам і арганізацыям, праносіць спіртныя напоі.
Забараняецца ўдзельнічаць у масавым мерапрыемстве ў стане алкагольнага ап’янення або ў стане, выкліканым ужываннем наркатычных сродкаў, псіхатропных, таксічных або іншых адурманьваючых рэчываў.
Таксама не будуць дапускацца для ўдзелу ў мерапрыемствах грамадзяне з хатнімі жывёламі і на роварах.
У перыяд з 08.00 да 13.00 рух аўтатранспарту будзе закрыты па вуліцах:
— Сацыялістычнай;
— Баторыя;
— Кірава;
— Маркса (на ўчастку ад Сацыялістычнай да Баторыя).
З 08.00 да 18.00 будуць таксама закрыты вуліцы:
— Дзяржынскага ад вул.Сацыялістычная да 17-Верасня;
— Ажэшкі (ад Леніна да Савецкай);
— 1-га Мая (ад Акадэмічнай да Дзяржынскага);
— Горкага (ад пл. Тызенгаўза да Міцкевіча);
-плошчы Тызенгаўза.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…