Пяты міжнародны open-air фестываль нямога кіно і сучаснай музыкі «КИНЕМО» прыедзе ў Гродна на тры дні - 7−9 ліпеня. У дворыку музея гісторыі рэлігіі пакажуць класічныя стужкі пачатку ХХ ст.: амерыканскія, нямецкія і польскія. Агучваць іх будуць як класічныя таперы-піяністы, гэтак і гурты, што спалучаюць жывыя інструменты і электроніку.
У першы дзень можна будзе пабачыць камедыю Бастэра Кітана «Параходны Біл-малодшы» пад акампанемент піяніста Аляксандра Музыкантава. У другі дзень польскія музыкі Galloping Lethargy, якія спалучаюць жывое гучанне і электроніку, агучаць польскую стужку «Людзі без заўтра». Заключным паказам будзе серыя з трох кароткаметражак, да якіх зайграе калектыў музыкаў, сярод якіх — добра вядомая гродзенцам па папярэдніх фестывалях «КИНЕМО» Вольга Падгайская.
Пачатак усіх паказаў у 22.00.
Арганізатары заклікаюць браць з сабой цёплую вопратку і дыванкі для тых, хто не хоча сядзець на крэслах.
Білеты можна будзе набыць штодзённа з 10.00 да 17.30 у касе музея. Цана білета: 6 руб, у дзень фестывалю — 7 руб.
Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…