Упершыню за 20 гадоў у Гродне прайшоў турнір па стрытболе «Гарадзенская палова 3×3». На пляцоўцы ЦСК «Нёман» у суботу 10 чэрвеня за званне мацнейшых змагаліся восем троек у дзвюх катэгорыях.
Удзельнікамі турніру былі тры каманды ў катэгорыі 40+ і пяць каманд адкрытай катэгорыі - усе аматарскія. Чакалася, што на турніры возьмуць удзел і юнацкія баскетбольныя каманды горада, але спартоўцы не заявіліся.
«Сёння мы адраджаем старую традыцыю — апошні раз такі турнір у Гродне праходзіў 20 гадоў таму, нягледзячы на тое, што Гродзеншчына з’яўляецца баскетбольнай вобласцю, — распавядае арганізатар турніру Анжэй Дзядзевiч. — Многія аматары баскетболу ў Гродне скардзіліся, што ў іх няма практыкі, няма дзе гуляць. Мы пастараліся вырашыць гэтую праблему. Але цiкавасць да турніру праявілі менавіта аматары, прафесіяналы праігнаравалі нас».
Стрытбол 3×3 з нядаўняга часу лічыцца алiмпiйскай дысцыплінай, таму ў Гродне плануюць развіваць гэты кірунак.
Гродзенскія аматары баскетболу ў вольны час гуляюць каля школ, арандуюць спартыўныя пляцоўкі. Толькі цікавасць з боку моладзі апошнім часам падае — пра гэта распавядае ўдзельнiк турнiру Павел Пачцянкоў, якому ўжо амаль 54 гады.
«Асабіста я гуляю ў баскетбол са школы і працягваю гэта рабіць сёння. Люблю баскетбол, ды і ў маім узросце займацца спортам карысна. Мне падабаецца гуляць з моладдзю, можна з імі пазмагацца, ды і іх чаму-небудзь навучыць. Хацелася б, каб у Гродне праводзілі больш падобных спаборніцтваў, каб прыцягваць моладзь, а то ў іх цяпер нейкія іншыя інтарэсы».
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…