У Гродзенскай вобласці будаўніцтва і рэканструкцыю ўсе дарогі будуць весці з улікам бяспечнага перамяшчэння па іх веласіпедыстаў. Адпаведнае даручэнне даў 5 чэрвеня на аператыўнай нарадзе ў Гродзенскім аблвыканкаме яго старшыня Уладзімір Краўцоў, паведамляе БЕЛТА.
Веларух становіцца ўсё больш папулярным у свеце, і Гродзенская вобласць не выключэнне. Але пакуль не прынятыя дастатковыя меры для таго, каб людзі маглі спакойна перасесці на двухколавыя транспартныя сродкі. Асабліва актуальная гэтая тэма ў Гродне, лічыць Уладзімір Краўцоў.
Ён даручыў распрацаваць сістэмны план мерапрыемстваў па развіцці дарожнай сеткі вобласці з улікам павелічэння на вуліцах колькасці раварыстаў. «Працуйце разам з грамадскімі аб’яднаннямі і клубамі, вывучыце рэкамендацыі іх удзельнікаў. З’ездзіце самі на ровары да возера ў прыгарадзе або на Аўгустоўскі канал і зрабіце высновы. Усе новыя вуліцы і тыя, што падлягаюць рэканструкцыі і капрэмонту, уключаючы мясцовыя аўтадарогі, павінны здавацца ў эксплуатацыю з улікам веларуху», — сказаў Уладзімір Краўцоў, звяртаючыся да прадстаўнікоў аўтадарожных службаў рэгіёну і ДАІ.
За апошнія некалькі гадоў у Гродзенскай вобласці зрабілі крок наперад у плане развіцця веладарожак і турыстычных маршрутаў. У Гродне і некаторых райцэнтрах з’явіліся новыя веладарожкі і шматкіламятровы турыстычныя веломаршруты, створаны інтэрактыўныя карты такіх маршрутаў і дарожак.
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…
За чатыры гады колькасць пасажыраў гродзенскага аэрапорта знізілася за 99% – з 10 000 да…
Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…
У пяцёрцы самых прыбытковых вакансій – дырэктар, кіраўнікі зменаў і аддзелаў, а таксама маркетолаг. Hrodna.life…
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Двух адказчыкаў прызналі вінаватымі ў нядбалым стаўленні да службы, якое прывяло да цяжкіх цялесных пашкоджанняў…