Выстава пад назвай «Но детских лет люблю воспоминанье…», якая расказвае пра жыццё дзяцей Гродзеншчыны XIX-XX стагоддзяў, адкрылася напярэдадні Дня абароны дзяцей у аддзеле мастацтваў «Гродзенскай абласной навуковай бібліятэкі iмя Карскага». На выставе прадстаўлены экспанаты вядомых гродзенскіх калекцыянераў Аляксандра Севенкі, Алега Ярша і іншых.
Усяго ў бібліятэцы выстаўлена больш за 600 экспанатаў, якія ўжо смела могуць знайсці сваё месца ў музеі. Гэта ўнікальныя фатаграфіі маленькіх гараджан у розны час у парку Жылібера і на старых вуліцах Гродна ды каштоўныя цацкі, якія ў свой час жадалі набыць многія дзеці.
«Наша выстава разлічана не толькі на дзяцей, але і на дарослых, якія з дапамогай многіх экспанатаў змогуць успомніць свае дзіцячыя гады і панастальгаваць.
Упершую чаргу наша выстава прысвечана дзіцячай фатаграфіі: прадстаўлена ў каля 400 здымкаў з прыватных калекцый. Таксама ў нас выстаўлена шмат цацак, пра якія марылі многія савецкія дзеці. Гэта розныя салдацікі, лялькі, а таксама дзіцячая ГДРаўская чыгунка і розная тэхніка. Ёсць у нас і вельмі ўнікальны экспанат — дзіцячая калыска XIX стагоддзя», — распавяла галоўны бібліятэкар аддзела мастацтваў Гродзенскай абласной навуковай бібліятэкі iмя Карскага Аксана Богдан.
Выстава будзе доўжыцца ў бібліятэцы па адрасе Савецкая, 25 да верасня. Уваход вольны.
Рэжым работы: з 10.00 да 20.00; пятніца з 10.00 да 19.00, нядзеля з 10.00 да 18.00.
Летні перыяд: з 10.00 да 19.00, пятніца з 10.00 да 18.00, нядзеля з 10.00 да 18.00.
Выхадны дзень — субота.
Даведкі па тэлефоне 77 20 86.
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…