Гродзенская вобласць прапрацоўвае з Польшчай арганізацыю авіярэйсаў LOT у аэрапорт Гродна, паведаміў карэспандэнту БЕЛТА начальнік упраўлення спорту і турызму Гродзенскага аблвыканкама Алег Андрэйчык.
«Польская авіякампанія LOT зацікаўлена ў арганізацыі рэгулярных зносін з Гродна. Вяліся папярэднія перамовы аб адкрыцці авіярэйсаў з Варшавы ў Гродна і назад. У наступным годзе будзем актыўна працаваць у гэтым напрамку», — сказаў суразмоўца.
Авіярэйсы найбольш цікавыя кампаніі пры ўмове ўключэння аэрапорта ў бязвізавую зону парку «Аўгустоўскі канал». Таму вобласць, як і заяўляла раней, будзе ініцыяваць гэта змяненне ва ўказ № 318.
Таксама вядзецца праца па пашырэнні транспартнай даступнасці бязвізавай зоны праз чыгуначны пункт пропуску «Гродна-Кузніца Беластоцкая». Першапачаткова ён не быў уключаны ва ўказ № 318. Аднак пасля быў запушчаны цягнік Гродна-Кракаў, на якім прыбываюць шматлікія турысты. «Калі гэты крок будзе зроблены, мы чакаем значнага павелічэння патоку бязвізавых турыстаў», — адзначыў Алег Андрэйчык.
З пачатку дзеяння ўказа аб бязвізавым уездзе ў парк «Аўгустоўскі канал» яго тэрыторыю, уключаючы Гродна і наваколлі, наведалі без віз 16,8 тыс. замежных грамадзян. За апошні тыдзень такой магчымасцю скарысталіся каля 2,5 тыс. гасцей. Па традыцыі ўшаноўваюць юбілейных турыстаў - у Гродне сустрэлі 15-тысячнага бязвізавага госця, якім апынуўся 70-гадовы жыхар нямецкага горада Тросдорф. Ён прыбыў у Гродна на адзін дзень у складзе арганізаванай турыстычнай групы, а пасля плануе прывезці на адпачынак сям’ю. Яму ўручылі падарункі ад упраўлення спорту і турызму і турфірмы — арганізатара паездкі.
Першамай 2024 у Гродне будуць святкаваць у асноўным у парку Жылібера. У праграме спартыўныя мерапрыемствы,…
У навагрудскім касцёле Арханёла Міхаіла 27 красавіка ўрачыста адкрылі крыпту імя cвятога Дамініка і біскупа…
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…