Суд Ленінскага раёну Гродна прызнаў Паўла Мажэйку вінаватым у незаконным вырабе і распаўсюдзе інфармацыі для замежных СМІ. І аштрафаваў на 23 базавыя велічыні — 529 рублёў, піша <С**бода.
Паводле Мажэйкі, на яго быў складзены пратакол за тое, што 25 сакавіка падчас санкцыянаванага мітынгу ў Гродне ён нібыта зрабіў рэпартаж для польскага тэлеканалу, не маючы пры гэтым акрэдытацыі. У судзе супраць яго сведчылі два міліцыянты.
— Яны сказалі толькі тое, што я быў падчас мерапрыемства, хадзіў, размаўляў з людзьмі. Хоць я там нічога не здымаў, і пра гэта сведкі не маглі нічога сказаць. Але яны знайшлі анлайн, дзе час ад часу гучаў мой голас. А таксама знайшлі на маім прыватным твітары здымкі з гэтай акцыі, і прадставілі ўсё гэта як сведчанне майго рэпартажу. Маўляў, здымаў для «Б****т» і каментаваў для «Б****т». І было ўжо не важна, што і як, а папросту прагучаў прысуд — 23 базавыя.
Тое, што Мажэйку выклікалі ў суд праз два месяцы пасля падзеі, на яго думку, звязана з тым, што прыйшоў загад зверху.
— Мне яшчэ падалося падчас суду, што справа была скіраваная не столькі на мяне, колькі на «Б****т», бо падчас судовага працэсу ўзгадваліся іншыя прозвішчы журналістаў. Я думаю, што трапіўся нават выпадкова. На маім месцы мог апынуцца любы іншы журналіст. Але з нейкай прычыны ўсё ж абралі мяне.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…