Завяршылася экспертыза праекта рэканструкцыі гатэля «Гродна», які летась выкупіла кітайская кампанія. Зараз ідзе выбар падрадчыка, а ў маі павінны пачацца будаўнічыя работы, паведамляе grodnonews.by.
Пра гэта стала вядома ў час візіту ў Гродна дэлегацыі кітайскай правінцыі Ганьсу, з якой Гродзенчшына супрацоўнічае 10 гадоў.
У час візіту быў падпісаны дагавор аб будаўніцтве цэнтра традыцыйнай кітайскай медыцыны ў Гродне. Ён мае паўстаць за чатыры месяцы. Збудуе яго ТАА «СІГІКОП-Бел», якое таксама зацікаўлена ў будаўніцтве камерцыйнага жытла ў горадзе.
Таксама госці агледзелі аб’екты выстаўленыя на продаж: недабудаваны аэравакзал, піўзавод, дом афіцэраў і былую камендатуру (медычную школу Жылібера). Кітайцы цікавіліся магчымасцямі размясціць лагістычны цэнтр — з гэтай мэтай аглядалі аэрапорт і будынкі былой гарбарні на завулку Перамогі. Таксама аэрапорт разглядалі ў якасці месца прыёму самалётаў з турыстамі з Ганьсу.
Са знакавых аб’ектаў, якія збудавалі кітайскія фірмы ў Гродне, пакуль можна назваць толькі смеццесартавальны завод.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…