Як змяняўся Гродна і як выглядалі яго жыхары, чым займаліся і дзе любілі фатаграфавацца ў канцы XIX i пачатку XX ст., можна ўбачыць на выставе фатаграфій «Гродна. Позiрк у мінулае». Яна адкрылася ў аўторак 21 лютага ў аддзеле перыядычных выданняў абласной бібліятэкі імя Карскага (Новы замак). Унікальныя фатаграфіі з прыватных калекцый у бібліятэку перадалі краязнаўцы і гісторыкі Алесь Гостеў і Аляксандр Сявенка.
Большая частка выставы з’яўляецца віртуальнай і знаходзіцца ў архіве Гродзенскай бібліятэкі. Там жа захоўваюцца здымкі гродзенскага калекцыянера і краязнаўцы Віктара Саяпіна, які нядаўна пайшоў з жыцця.
На выставе, акрамя фотаздымкаў, прадстаўлены і кнігі, прысвечаныя фота і фотасправе.
Большую частку выставы ў бібліятэцы прадстаўляе Аляксандр Сявенка. Акрамя старых кніг і дакументаў ён ужо шмат гадоў збірае і фотаздымки. У яго калекцыі шмат унікальных здымкаў Гродна і гродзенцаў. Некаторыя здымкі з калекцыі ён прадастаўляе для выдання кніг.
«Калекцыянаваць фатаграфіі я пачаў яшчэ ў дзяцінстве. У чацвёртым класе я захапіўся фота сур’ёзна і тады звярнуў увагу, што з дапамогай старых здымкаў можна шмат чаму навучыцца: як размяшчаюцца людзі, які павінен быць фон і іншае. Ужо тады я разумеў, што ў нас у горадзе працавалі сапраўдныя майстры фатаграфій і браў з іх прыклад. З часам навучыўся разумець фатаграфіі і цяпер пры поглядзе на даваенны здымак магу адгадаць месца і салон дзе фатаграфаваліся», — сказаў гісторык на адкрыццi выставы.
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…