Вырашальны матч за другое месца на турніры «Белазавец-2017» скончыўся нічыёй «Нёмана» з камандай «Смалявічы-CТI». Але толькі за кошт лепшай статыстыкі гродзенцы здолелі скончыць турнір вышэй за iх апошняга суперніка.
Чатыры дні на штучным полі жодзінскага стадыёна «Тарпеда» гродзенцы прымалі ўдзел у турніры, які другі год запар арганізуе «Тарпеда-БелАЗ» у мэтах перадсезоннай падрыхтоўкі і наладжвання сяброўскіх сувязяў паміж камандамі. Дружына Ігара Кавалевіча на турніры правяла тры гульні.
«Тарпеда-БелАЗ» — «Нёман» — 1:0
«Нёман» — «Іслач» — 3:0
Свой апошні матч супраць «Смалявічы-CТI» гродзенцы праводзілі наступным складам: Жураў (Шышлоў, 46), Яблонскі, Хвалько, Горбач (Бомбель, 60), Анюкевіч, Савасцьянаў (Яроцкі, 46), Зубкоў (Забелін, 85), Савіцкі (Журневіч, 60), Жукоўскі (Сянкевіч, 46), Канавалаў (Цэслюкевіч, 46), Лакціёнаў (Кавалёнак, 60).
Запасныя: Курганскі, Квенцар, Дземідовіч.
Абыграць каманду з Першай лігі «Нёману» не ўдалося. Адзіны мяч у вароты суперніка забіў Лакціёнаў на 43-й хвiлiне.
Пераможцам турніру «Белазавец-2017» з 9 ачкамі стала каманда «Тарпеда-БелАЗ». За кошт лепшай статыстыкі на другім месцы — «Нёман», які набраў 3 ачка, на трэцім — «Смалявічы-СТI» таксама з 3 ачкамі. А чацвёртае месца заняла «Іслач», ачкоў гэтая каманда не набрала.
Лепшымі гульцом у складзе «Нёмана» на турніры стаў Яўген Савасцьянаў.
Па выніках турніра ў Жодзіне ў камандзе не застануцца Уладзіслаў Сотнік і Аляксандр Новік. Украінцы Руслан Зубкоў, Раман Лакціёнаў і Мікіта Канавалаў, а таксама камерунец Жан-Патрык Абуна зрабілі нядрэннае ўражанне і застануцца пакуль у стане каманды.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…