Каля 100 падапечных Гродзенскага дабрачыннага таварыства 8 студзеня пабывалі ў маёнтку Каробчыцы, дзе атрымалі навагоднія падарункі і прынялі ўдзел у святочнай праграме. Падарункі збіралі валанцёры таварыства на працягу снежня ў гандлёвых цэнтрах горада. Гараджане набывалі рэчы згодна з пажаданнямі, якія дзеці выказалі ў лістах.
Дырэктар Гродзенскага дабрачыннага таварыства Антаніна Місюкевіч распавяла Hrodna.life, што ніводнае дзіця не засталося без падарунка.
«Такая дабрачынная акцыя ў нас праходзіць шосты год запар, а менавіта ў Каробчыцах — другі. Падарункі збіралі пераважна для дзяцей інвалідаў, якія навучаюцца ў Гродне, раёне або вобласці. Дзеці прасілi рознае: ад сродкаў гігіены да скейтбордаў і верталётаў на пульце. Але ў большасці прасілі неабходныя рэчы — куртку, кнiгi i iншае».
Дзяцей у Каробчыцы даставілі трыма аўтобусамі. Тут ім паказалі казачнае прадстаўленне з Зюзяй, Дзедам Марозам і Снягуркай. Пасля валанцёры і арганізатары акцыі ўручылі дзецям падарункі. Завяршэннем святочнай паездкi ў Каробчыцы стаў абед.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…