Карані гродзенскай архітэктурнай школы ХІІ ст. не ў Кіеве, а на Балканах, Ядкоўскі не быў першым археолагам Гродна, а цэнтрам рамёстваў у горадзе быў раён вуліцы Траецкай. Гэта толькі некалькі цікавостак, якія можна прачытаць у чацвёртым выпуску «Гарадзенскага гадавіка». Нумар, прысвечаны археалагічнаму Гродна, прэзентаваў 15 снежня ў Цэнтры гарадскога жыцця яго рэдактар Юры Гардзееў.
Ці кепскія гэтак званыя «чорныя капальнікі», чаму валы Паўночнай вайны з’яўляюцца помнікам хутчэй расійскай вайсковай ганьбы чым славы — яшчэ адны цікавыя пытанні, на якія адказваюць аўтары зборніка.Нумар прысечаны памяці археолага Рыгора Акінчыца, актыўнага рупліўца археалагічнай спадчыны Гродна. Рыгор не любіў свяціцца сваёй працай, а папросту паціху і сістэмна выконваў тое, што мела б рабіць спецыяльная каманда. Ад археолага як спадчына засталіся для Гродна не столькі навуковыя артыкулы, колькі цудоўна выкананыя справаздачы.
«Гродна вельмі не даследаваны ў археалагічным плане горад, асабліва ў параўнанні з Кракавам, дзе штогод на Вавэлі адбываюцца раскопы і выходзіць адмысловы навуковы зборнік, альбо з Ноўгарадам Вялікім, дзе нават у фінансавыя крызісы дзяржава ўсё адно знаходзіць сродкі для археалагічных росшукаў, — сцвярджае ўкладальнік зборніка Юры Гардзееў. — У паўночнай Еўропе праводзяцца навуковыя даследаванні, якія сцвярджаюць вялікую ролю падолаў у гарадах. А ў Гродна ж папярэднія шурфы, якія праводзіліся ажно ў 1980-х, выявілі інтэнсіўнае засяленне Падола ў ХІ-ХІІ ст. Але да сёння так і не праводзілася комплексных абследаванняў гэтага кавалка горада. Таму як не адлакалізаваны таямнічы Курган, так і гарадзенскі Падол — крыюць багаты патэнцыял для археалагічнага вывучэння сярэднявечнага Гродна».
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…