Назва якой гродзенскай кампаніі перакладаецца з французскай як «казка-быль» і каму ў ХІХ ст. у нашым горадзе было выгодна, каб Нёман не скоўваўся ільдом, — над гэтымі і больш складанымі загадкамі ламалі галовы 11 камандаў гродзенцаў. У «Pizza Smile» 8 снежня прайшла першая беларуская інтэлектуальная гульня.
З істотным адрывам ад супернікаў першае месца ў гульні заняла каманда Naked Guitars.
«Гродзенцы паказалі дастойную і прыгожую гульню, — адзначыў Вадзім Жыдовіч, сузаснавальнік і сталы вядоўца беларускага паб-квізу. — Першая тройка лідараў сённяшніх спабораў паказала ўзровень чэмпіёнаў сезону».
Галоўная мэта гульняў - развіццё беларускіх паб-квізаў, таксама ўзгаданне беларускай культуры, літаратуры, ды проста — сабраць людзей, неабыякавых да беларушчыны. Беларускія паб-квізы рэгулярна праходзяць у Мінску: цягам года праведзена ўжо 11 гульняў. Паступова гульня выйшла ў рэгіёны: арганізатары былі ўжо ў Светлагорску і Бабруйску, чацвёртым горадам стаўся Гродна.
Паб-квіз — інтэлектуальныя гульні, якія ўзніклі ў Еўропе і Амерыцы дзякуючы намаганням самых бараў і пабаў, каб дадаткова заахвоціць даўжэй затрымацца за півам ды закускамі. Наведвальнікі не толькі п’юць піва ды глядзяць футбольныя матчы, але могуць альтэрнатыўным больш шляхетным спосабам бавіць свой час.
У Беларусі ж гэтая гульня прыйшла з адваротнага боку — аматары віктарынаў звяртаюцца да бараў з прапановамі ладзіць гульні.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…