У напружанай барацьбе футбалісты «Тарпеда-БелАЗ» здолелі вырваць перамогу ў матчы з «Нёманам», якi праходзiў 15 кастрычнiка ў Жодзiне. Крыўдны мяч каманда Ігара Кавалевіча прапусціла ў самай канцоўцы сустрэчы.
На працягу ўсёй гульні каманды паказвалі роўны футбол, толькі пад канец асноўнага часу гаспадары завалодалі ініцыятывай і здолелі даціснуць «Нёман». Пераможны гол у матчы забіў на 88-й хвіліне Цярэнці Луцэвіч, які з’явіўся на поле ў другім тайме.
Галоўны трэнер «Нёмана» Ігар Кавалевіч пасля паражэнне ад «Тарпеда» сказаў, што ў яго няма прэтэнзій да сваіх футбалістаў.
«Віншую суперніка з перамогай. У нас да канца чэмпіянату выбылі ключавыя гульцы — Канцавы і Клімовіч. Таму мы мелі цяжкасці ў лініі атакі. Спрабавалі нешта перакроіць. За тое, як каманда правяла матч, прэтэнзій да яе прад’явіць не магу. Крыўдна прапускаць пры нічыйнай гульні на апошніх хвілінах. Думаю, пасля гэтага паражэння станем мацней».
«Тарпеда» працягвае далей барацьбу за 3−4 радок, а «Нёману» трэба тэрмінова набіраць ачкі, каб захаваць прапіску ў Вышэйшай Лізе.
За 5 тураў да канца чэмпіянату, гродзенцы займаюць 12-е месца ў турнірнай табліцы і маюць у сваім актыве 25 ачкоў. Найбліжэйшыя пераследнікі «Слуцк» і «Граніт» маюць па 24 ачкі. А замыкаюць турнірную табліцу «Нафтан» і «Белшына», якія маюць па 22 і 21 ачку.
Наступны матч «Нёман» правядзе ў Гродне 22 кастрычніка, дзе будзе прымаць «Гарадзею».
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…