Дадаць навіну

Сталі сведкамі падзеі?
Падзяліцеся!

Напішыце навіну

150 словаў пра эСэСэСэР. Навагодняе віншаванне Дзеда Мароза

У адзін з паслянавагодзіх дзён мама сказала, што да нас з сястрой сёння прыйдзе Дзед Мароз павіншаваць з Новым годам. З усяго інтэрнату ён прыйдзе ТОЛЬКІ ДА НАС!  Мы пачалі рыхтавацца. Вызначалі дзе ён стане, дзе мы будзем спяваць і танчыць. Паставілі услончык з якога будзем дэкламаваць вершы. Размеркавалі пытанні, якія будзем яму задаваць.

А далей доўга, доўга… вельмі доўга чакалі.

Ні наранку, ні днём, ні нават познім вечарам Дзед Мароз да нас не прыйшоў і маці паклала нас спаць. І раптам недзе ўночы мама будзіць нас. Мы сонныя і не хочам прачынацца, але мама паднімае нас, бо Дзед Мароз прыйшоў!

Праз колькі часу мы сонныя і змораныя, святочна апранутыя ў сваіх лакіраваных пантофліках стаялі на нашым ложку ўціснуўшы плечы ў дыван на сцяне. А проста перад намі сядзеў здаровы дзед з доўгай белай барадой і для мяне ён быў страшны.

Снягурка папрасіла расказаць вершыкі. За вершы нам у рукі далі навагоднія падарункі з цукеркамі. Паднялі Дзеда Мароза і ён выйшаў, а мы леглі спаць.

За ўсю сустрэчу Дзед Мароз не выціснуў з сябе ніводнага гуку.

150dzedmarozpyanyi

Публікацый: 18

Ігар Кузьмініч – гарадзенец, нарадзіўся ў 1972. Скончыў Гарадзенскую сярэднюю школу №14. У 1994 — скончыў факультэт правазнаўства , а ў  1997 — аспірантуру на кафедры тэорыі і гісторыі дзяржавы і права Гродзенскага дзяржаўнага ўніверсітэта імя Янкі Купалы. Мае больш за дваццаць гадоў стажу працы ў Гродзенскім і Варшаўскім універсітэтах.

Выкладчык, даследчык, працаваў кіраўніком Інавацыйнага цэнтру юрыдычнай адукацыі, намеснікам дэкана юрыдычнага факультэта Гродзенскага дзяржаўнага ўніверсітэта імя Янкі Купалы. У якасці эксперта па міжнародных стандартах у галіне правоў чалавека, прававой адукацыі, арганізацыйнага развіцця працуе ў краінах Сярэдняй Азіі і Каўказа з міжнароднымі арганізацыямі.

Апублікаваў больш за трыццаць навуковых і навучальна-метадычных прац. Аўтар аўдыёкнігі «Казкі Жыцця Мікіткі і Данілка», якая стваралася пры падтрымцы сайта “Твой стыль”. На сённяшні дзень мае выдадзеныя  “Мастацкай літаратурай” больш за 10 казак.