Дадаць навіну

Сталі сведкамі падзеі?
Падзяліцеся!

Напішыце навіну

Падпішыся, каб атрымліваць навіны Hrodna.life рэгулярна на сваю паштовую скрыню.

150 словаў пра эСэСэСэР. Марозіва

Марозіва на палачках было вельмі рэдка. Зрэдчас таксама траплялася «ягаднае» марозіва па пяць капеек у маленькіх папяровых кубачках, нечым падобнае да сучасных смузі, але я яго не любіў. Затое ў Гродна было марозіва ў вафельных і ў папяровых кубачках.

На кожнай порцыі была прыклеена да самога марозіва круглая паперка з назвай і іншай інфармацыяй. Асалода ад марозіва заўсёды пачыналася з таго, што здымалі паперку і аблізвалі яе адваротны бок, а паперку почасту клеілі на бліжэйшую роўную паверхню. Марозіва ў вафельных кубачках было даволі падобнае па смаку да сучаснага «пламбіра за 20 капеек». А вось з папяровых кубачкаў марозіва трэба было есці адмысловымі драўлянымі пляскатымі кіёчкамі.

Не магу сказаць, што пламбір у вафельных і папяровых кубачках адрозніваўся, але з папяровых кубачкаў я заўсёды адчуваў прысмак паперы і дрэва. Таму браў у папяровым кубачку толькі калі не было іншага. Асабліва пасля таго, як мой прыяцель загнаў тым кіёчкам сабе ў язык застрамку.

Публікацый: 38

Ігар Кузьмініч – гарадзенец. Скончыў факультэт правазнаўства. Выкладчык, даследчык, грамадскі дзеяч. Апублікаваў больш за трыццаць навуковых і навучальна-метадычных прац.

Для сваіх дзяцей пачаў пісаць казкі. Аўтар аўдыёкнігі «Казкі Жыцця Мікіткі і Данілка», якая стваралася пры падтрымцы сайта “Твой стыль”. На сённяшні дзень мае выдадзеныя  “Мастацкай літаратурай” больш за 10 казак.