Дадаць навіну

Сталі сведкамі падзеі?
Падзяліцеся!

Напішыце навіну

Падпішыся, каб атрымліваць навіны Hrodna.life рэгулярна на сваю паштовую скрыню.

«Ён крычаў, што стукачоў забівае». Жыхары Мендзялеева пра забойства суседкі

Пра ціхую вуліцу Мендзялеева, што каля чыгуначнага вакзала, ведаюць нямногія гродзенцы. Але пасля забойства жанчыны раніцай у пятніцу 17 сакавіка яна трапіла ва ўсе навіны. 37-гадовы мужчына каля дома №39/1 забіў суседку і ўцёк. Неўзабаве яго злавілі супрацоўнікі міліцыі. Карэспандэнт Hrodna.life адправіўся да месца злачынства, каб пагутарыць з мясцовымі жыхарамі і даведацца, што магло падштурхнуць мужчыну да забойства.


Спонсар рубрыкі "Горад" - "Пліт-мар" ТАА (аб'яднанне "Група кампаній Белпліта").

Рабіце мэблю самі і эканомце! Распілоўванне мэблевых матэрыялаў па вашых чарцяжах і велізарны склад матэрыялаў і фурнітуры ад першага імпарцёра і асноўнага пастаўшчыка мэблевых матэрыялаў і фурнітуры ў Гродзенскай вобласці.


Адзінае, што цяпер нагадвае пра забойства каля дома, гэта скрываўленыя пальчаткі каля месца злачынства, якія, магчыма, пакінуў нехта са спецыялістаў.

Аб здзяйсненні злачынства ў органы ўнутраных спраў зранку 17 сакавіка паведамілі відавочцы, якія бачылі, што мясцовы жыхар спачатку бiў, а пасля нажом нанёс некалькі ўдараў сваёй суседцы.

Cледча-аператыўная група, якая прыбыла на месца здарэння, выявіла ў двары жылога дома цела мясцовай 45-гадовай жыхаркі са шматлікімі цялеснымі пашкоджаннямі.

«Жанна была прыстойная і вельмі добрая жанчына»

Галіна Аляксандраўна, жыхарка дома 39/1, загінулую ведала, але нават не магла сабе ўявіць, што раніцай гэта яе цела яна бачыла каля дома.

«Мы шакаваныя гэтым здарэннем. Я раніцай, дзесьці ў 7.30, ішла на працу і бачыла міліцыю і хуткую побач з целам, але нават не магла падумаць што там ляжала наша суседка, думала, нейкі мужчына. Я прыйшла на працу і ўжо там мне сказалі, маўляў, маньяк у нас на Мендзялеева забіў жанчыну. Потым я ўжо даведалася, што загінулай была жанчына з нашага дома.

Нiчога дрэннага пра яе сказаць не магу, яна заўсёды віталася. Была даволі прыстойнай, вельмі добрай. Мужчын з ёй не заўважалі. Ведаю, што яе звалі Жанна і ў яе дачка засталася, якая ў школе была выдатніцай, а потым паступіла кудысьці, а куды я не ведаю».

4
Дом па вуліцы Мендзялеева, дзе жыла загінуўшая жанчына

Жыхары дома кажуць, што падазраваны быў суседам Жанны — яны жылі на адным паверсе. Але па якой прычыне сусед накінуўся на жанчыну пакуль сказаць ніхто не можа. Пагаворваюць, што мужчына быў псіхічна хворы.

Падазраваны заўсёды з усімі канфліктаваў

Пенсіянерка Марыя Iльiнiшна заўсёды баялася гэтага суседа і старалася з ім не канфліктаваць.

«Я шакаваная гэтым выпадкам. Гэта ж трэба — забіць чалавека! Я ведаю гэтага мужчыну, ён ляжаў у вар’ятні, а пасля жыў з гэтай жанчынай у адным доме і на адным паверсе. На мяне пару разоў ён крычаў, маўляў, чаго старая корміш катоў, дай паспаць. Кажуць, што ён дома ўсю мэблю разбіў. Людзі на яго калектыўную скаргу пісалі, бо ён з усімі канфліктаваў. Я аднаго не разумею, чаму бацькі і службы яго аднаго пакінулі жыць у доме — ён жа хворы».

Дзеці праходзяць каля таго месца дзе была забітая жанчына
Дзеці праходзяць каля таго месца дзе была забітая жанчына

На другім паверсе жыве небяспечны чалавек

Маладая дзяўчына Алена загінуўшую ведала добра, бо жыла з ёй у адным пад’ездзе. А вось падазраванага дзяўчына ніколі не бачыла, толькі чула пра яго.

«Жанчына была добрая, заўсёды з сабакам выходзіла шпацыраваць. Вельмі ветлівая і весёлая, часта размаўлялі ў пад’ездзе. Сусед, якога падазраюць у забойстве, жыў з загінуўшай на другiм паверсе, але за два гады, якія жыву ў гэтым доме, ані разу яго не бачыла. Суседзі казалі, што ён псіхічна хворы, што канфліктаваў з усімі. Мой муж яго бачыў, дык казаў, што гэты мужчына вельмі агрэсіўны і правакаваў на канфлікт. Заўсёды калі муж з ім сустракаўся, то гэты мужчына глядзеў з агрэсіяй, а адзін раз пхнуў плячом. Мой муж папярэджваў мяне, што на другім паверсе жыве небяспечны чалавек, што трэба быць асцярожным. Але ніхто не мог падумаць, што будзе такое забойства».

Супраціву падазраваны не аказаў

Прэс-служба УУС Гродзенскага аблвыканкама паведамляе, што падазраванага затрымалі на Азёрскай шаша. Затрыманне здзейсніў участковы інспектар Гродзенскага РАУС Андрэй Музычка разам з курсантам Акадэміі МУС Іванам Гаўрыльчыкам. «Супраціву падазраваны не аказаў. Пасля затрымання ён паведаміў, што забойства на яго сумленні. Таксама ўказаў, у якой кішэні ў яго ляжыць нож», — распавёў Андрэй Музычка.

Супрацоўнікі следчага камітэта працуюць на месцы забойства. Фота: sk.gov.by
Спецыялісты працуюць на месцы забойства. Фота: sk.gov.by

Яшчэ адзiн сведка — мужчына, які жыве на Мендзялеева. Ён не прадставіўся, але распавёў, што чуў крыкі жанчыны аб дапамозе, але калі прыйшоў да месца, то ўжо было позна.

Суседзі не паспелі

«Я выйшаў паліць і пачуў, як жанчына крычала — «Дапамажыце, забіваюць!». Я падышоў і ўбачыў мужчыну, які сядзеў на жанчыне, я казаў яму — «Што ты робіш?», а ён мне ў адказ — «Стукачоў забіваю!», а потым устаў і ўцёк. Жанчына ўжо ў той момант была без прытомнасці.

Калі ён уцякаў, акурат з пад’езда выходзіў хлопец, які i пабег яго даганяць, але не дагнаў. Пасля прыехала міліцыя і пачаліся пошукі. Магу сказаць, што мужык быў здаровы. Я вярнуўся дадому. Ужо калі выходзіў на працу была і хуткая, у медыкаў спытаў як жанчына, дык яны сказалі, што яе выратаваць было нерэальна — было перерэзана горла да пазваночніка. Калі б мы паспелі скінуць гэтага мужчыну, не ведаю цi выжыла б жанчына ці не. Жахліва усё гэта».

Падазраваным апынуўся 37-гадовы мясцовы жыхар. З яго удзелам у цяперашні час праводзяцца следчыя дзеянні. Вядома, што раней ён двойчы прыцягваўся да крымінальнай адказнасці за ўчыненне крадзяжоў. Таксама вядома, што затрыманы пакутуе на псіхічнае захворванне. Па артыкуле «забойства» ўзбуджаная крымінальная справа.

Чытайце яшчэ:  У Гродне міліцыя аператыўна затрымала забойцу

Раім пачытаць

Каментары

comments powered by HyperComments