Пра сэканды зараз ведаюць усе. А ці ведаеш ты, як тут класна апрануцца і выдаткаваць менш чым 10 рублёў? Калі раней у сэкандах можна было сустрэць толькі асобныя групы людзей, то зараз тут апранаюцца ўсе — маладыя мамы, студэнты, моднікі, дарослыя жанчыны. Я раскажу табе некалькі правіл, як купіць крутыя рэчы і не прынесці дадому пакет з барахлом.

Правіла першае: прыходіць у дзень прывозу або апошняй зніжкі

У першым выпадку можна знайсці добрыя базавыя рэчы, а ў другім — вінтаж або смелыя дызайнерскія рашэнні за капейкі (маладых мам і дарослых жанчын зусім не цікавіць італьянская сукенка са льна з адкрытай спіной або вінтажны паўхалат ад Pierre Cardin — глядзі ніжэй на фота).

Правіла другое: ніколі не купляй тое, што табе сапраўды не патрэбна

Ёсць вялікая спакуса накупляць пакет барахла з думкамі, што гэта можа спатрэбіцца капаць бульбу. Хутка ты апынешся ў сваёй кватэры, набітай дурацкімі рэчамі і зможаш нават свой сэканд адкрыць.

Правіла трэцяе: сэканд — гэта не магазін

Гэта востраў скарбаў. Ты ніколі не ведаеш колькі часу іх прыйдзецца шукаць і ці ёсць яны там насамрэч.


Я адправілася ў бліжэйшы сэканд на праспекце Касманаўтаў 81а, каб яшчэ раз праверыць свае парады і зрабіць некалькі фота для пацверджання. Мне пашанцавала, у гэты дзень была зніжка 60%.

Калі ты ўсю зіму хуталася ў беспамерныя швэдры, гэта драпежная сукенка — твой выбар. Усюды і ўсё абцягвае, досыць кароткая. Я думаю, ты разбярэшся, што з гэтым рабіць і на бліжэйшай вечарыне пакажаш, хто тут пантэра. А калі раптам раніцай табе трэба на працу, а пераапрануцца няма часу, зверху можна апрануць пінжак (трэнд — пінжак павінен быць знарочыста вялікага памеру і рукавы трэба закатаць). І вось ты ўжо офісная лэдзі.


Паход у сэканд: як выглядаць класна за 10 рублёў
Вінтажная кашуля каштавала 10 руб, са зніжкай 4 руб
Паход у сэканд: як выглядаць класна за 10 рублёў
Вінтажная кашуля каштавала 10 руб, са зніжкай 4 руб

Паход у сэканд: як выглядаць класна за 10 рублёў
Сукенка каштавала 8 руб, са зніжкай 3,2 руб
Трэнд, які ўсё яшчэ актуальны — сукенка-камбінацыя з футболкай. Футболку я не знайшла, але вось такая вінтажная кашуля з немудрагелістымі каўняром і гузікамі дапоўніла строй.


Паход у сэканд: як выглядаць класна за 10 рублёў
Вінтажная сукенка каштавала 7 руб, са зніжкай 4,2 руб
Усё той жа вінтаж і трэнды — сукенка ў гарошак. Рэчы ў гарошак і сёння могуць выглядаць актуальна, уся справа, як звычайна, у фасоне. Гэта самастойны прынт, таму спалучаць яго з іншымі варта акуратна.

Абутак лепш выбраць грубы ў процівагу жаноцкасці сукенкі, красоўкі таксама добра спалучаюцца ў гэтым камплекце. А бірка на сукенцы пацешыць знатакоў вінтажа, на цябе кіне погляд Yessika. Магчыма, дзяўчына з такім імем была музай дызайнера.

Паход у сэканд: як выглядаць класна за 10 рублёў
Та самая Yessika


Яшчэ адно правіла сэканду — купляй купальнік зімой, а футра летам. Згодна з гэтым я абрала льняную італьянскую сукенку з адкрытай спіной. Калі раптам ты марыла пабыць паветраным пірожным — гэта твой ружовы шанец, а двухслаёвая спадніца дапаможа — галоўнае злавіць вецер.


Паход у сэканд: як выглядаць класна за 10 рублёў
Сукенка каштавала 10 руб, са зніжкай 4 руб
Для аматараў люкс і лакшэры я знайшла дзве стыльныя сукенкі. Першая — лёгкая шаўковая сукенка Mexx. Дызайнеры прапануюць насіць яе з грубымі чаравікамі і верхняй вопраткай овэрсайз. Як гэта зрабіць, можна паглядзець у культавай здымцы 1992 года, якая цяпер як ніколі актуальна.


Паход у сэканд: як выглядаць класна за 10 рублёў

Паход у сэканд: як выглядаць класна за 10 рублёў
Cукенка каштавала 6 руб, са зніжкай 3,6 руб
Другая — вінтаж от Pierre Cardin. Больш падобная да сарочкі, але мы з вамі ведаем, што ў гэтым уся фішка. Бялізнавы стыль — гэта наша ўсё. А калі ты любіш зацягваць талію вузей, не саромейся, выберы вельмі доўгі рэмень, пажадана ў некалькі абаротаў. І завяжы так, каб канец пояса звешваўся як мінімум да сцягна, напрыклад як тут або тут.

Вынік: ў сэкандзе не ты выбіраешь рэчы, а яны цябе. Толькі асцярожна, гэта пастка, нялёгка спыніць сябе, калі рука цягнецца за дзясятай сукенкай, бо яна ўсяго за 3 рублі.

[irp posts="16 548″ name="LSTR выпусцілі новыя талстоўкі з прынтам Гродна"]