Брытанскі спектакль «Нічыя зямля» (No Man’s Land) у фармаце «TheatreHD» з Іэнам МакКелленам і Патрыкам Сцюартам у галоўных ролях пакажуць на экране кінатэатра «Чырвоная зорка» 3 лютага. Пачатак у 19.00.
Пасля спектакля гледачоў чакае інтэрв'ю з акцёрамі і рэжысёрам Шонам Матыясам.
Каралеўскі Нацыянальны тэатр першы з брытанскіх тэатраў выйшаў са спектаклямі на экраны кінатэатраў ва ўсім свеце. Яго спектаклі ў праекце «TheatreHD» паказваюць у Расіі, Украіне, Беларусі, Казахстане, Азербайджане і Грузіі. Гродзенцы ўжо маглі паглядзець у «Чырвонай зорцы» спектакль «Франкенштэйн» з Бэнэдыктам Камбербэтчам.
Пра спектакль «Нічыя зямля» (2016, Вялікабрытанія)
Мова: англійская
Пераклад: рускія субтытры
Хронаметраж: 2 г 35 хв
Узрост: 16+
youtu.be/LmPzG78o5PI?list=PLDzIAZgkLa2MPoHM9DOhyPUyVglbZoWjV
Пастаноўка Stuart Thompson and Playful Production. П’еса Гаральда Пінтэра. Рэжысёр Шон Маціяс. Мастак Стывен Брымсан Люіс. Кампазітар Адам Корк.
ДЗЕЮЧЫЯ АСОБЫ І ВЫКАНАЎЦЫ: Спунэр — Іен Маккелэн. Хёрст — Патрык Сцюарт. Брыгз — Оўэн Ціл. Фостэр — Дэміен Молані.
Сюжэт
Аднойчы летнім вечарам два старэючыя пісьменнікі, Хёрст і Спунэр, сустракаюцца ў пабе ў Хэмстадзе прапусціць па шкляначцы — і так захапляюцца, што працягваюць глыбока за поўнач, ужо ў Хёрста на хаце. Чым вышэй расце гара пустых бутэлек, тым больш неверагодным становяцца байкі літаратараў, і неўзабаве нявінная балбатня двух старых сяброў становіцца вельмі напружанай. А калі ў хаце з’яўляюцца два сурова настроеныя маладыя людзі, справы набываюць яшчэ больш сур’ёзны абарот.
