На гэтым тыдні гродзенцаў чакаюць перадсвяточныя сустрэчы на тэму Калядаў і вырабу святочных цацак ды іншыя падзеі.
Спонсар рубрыкі - «Цэнтр дадатковай адукацыі дарослых «Студыя карысных кампетэнцый».
«Студыя» працуе для тых, хто хоча развівацца і атрымліваць карысныя веды і ўменні для самаразвіцця, кар’ернага росту і працы на карысць грамадства. Прапануе адукацыйныя курсы, трэнінгі, праекты, карпаратыўнае навучанне.
1. Англійскай мове
Збіраемся і размаўляем па-англійску. Абмяркоўваем розныя тэмы. Усё гэта ў прыемным сяброўскім коле. Цябе чакаюць цікавыя фільмы, гульні і не толькі.
Калі: 20 снежня, 20.00
Дзе: Тайм-кафэ «Партал», вул. Вялікая Траецкая, 31
Уваход: 2р./гадзіна; безліміт — 6р.
2. Спяваць калядкі
Любіш спяваць, але не хапае да таго таварышаў? Хочаш адчуць энергію беларускіх, польскіх і ўкраінскіх песень? Тады прыходзь да нас! Будзем спяваць калядкі і добра праводзіць час. Будуць тэксты, гітара, а сустрэчу будзе весці наша калега-валанцёрка з Польшчы Кася.
Калі: 20 снежня, 19.00
Дзе: Этнакрама «Цудоўня», вул. Вялікая Траецкая, 14
Уваход вольны
3. Мастацтву жаночых зносінаў
Адносіны паміж мужчынам і жанчынай — гэта мастацтва. У кожнай свой рэцэпт, свой варыянт асабістага шчасця. На майстар-класе прафесійнымі ведамі і вопытам, каб вы маглі выбраць для сябе свой шлях, падзеліцца псіхолаг Юлія Багатырэвіч.
Калі: 22 снежня, 19.00
Где: Тайм-кафэ «Партал», вул. Вялікая Траецкая, 31
Уваход: 10 руб.
4. Самастойна рабіць ёлачныя цацкі
Майстар-клас для дарослых і дзяцей па вырабе ёлачных цацак сваімі рукамі. Непаўторны, яркі аксэсуар упрыгожыць навагоднюю ёлку і стане незвычайным падарункам для блізкіх.
Калі: 23 снежня, 11.00
Дзе: вул. Будзёнага, 48а-63
Уваход: 6 руб. Запіс па тел. + 375 33 634 10 41
