Дадаць навіну

Сталі сведкамі падзеі?
Падзяліцеся!

Напішыце навіну

«Пол не потолок». Гендарную дыскрымінацыю на рынку працы будуць даследаваць праз асабістыя гісторыі

Міжнароднае грамадскае аб’яднанне “Гендарныя перспектывы” збірае для даследвання гісторыі жанчын і мужчын, што сутыкнуліся з дыскрымінацыяй па прыкмеце пола на працы. Даследванне і абмеркаванне яго вынікаў адбываецца ў межах інфармацыйнай кампаніі “Пол не потолок.”

Гісторыі, што ўжо атрымалі даследчыцы, выглядаюць вельмі знаёмымі:

“Калі ўніверсітэт атрымлівае заяўкі на маладых спецыялістаў, то бывае, прадпрыемствы наўпрост пішуць, што кандыдаты на вакантную пасаду — строга мужчыны. Патлумачыць супрацоўнікам аддзела кадраў, што гэта дыскрымінацыя, не ўяўляецца магчымым, яны проста слухаць не хочуць гэты аргумент”.

“На размеркаванні, калі ў аўдыторыю ўваходзіць дзяўчына, прадстаўнікі прадпрыемстваў літаральна апускаюць вочы долу, каб яе ігнараваць. Лепш возьмуць хлопчыка з сярэднім балам 4,5 чым дзяўчыну нават з чырвоным дыпломам. Наўпрост, канечне, аб прычынах не скажуць. Толькі ў прыватнай размове можна пачуць, што маўляў, яна не справіцца з нашымі рабочымі, яе ў грош не будуць ставіць”.

“Я – ваеннаслужачая адной з воінскіх частак. На службу па кантракту прыйшла пасля працы ў галіне адукацыі, калі праводзіўся набор дзяўчат у гэту частку. Гэта прэстыжна і цікава, але не без падводных камянёў. Атрымаць больш высокую пасаду жанчыне вельмі складана, наперадзе – мужчыны, незалежна ад узросту, досведу, здольнасцяў ці ўзроўня адукацыі. З дванаццаці кіруючых месцаў толькі на двух працуюць жанчыны, хаця калектыў напалову жаночы”.

“Паехала ў камандзіроўку з намеснікам галоўнага. Пасля мерапрыемства быў, як водзіцца, банкет, а пасля банкета мужчынам захацелася жаночай кампаніі. Ён звоніць падначаленаму і кажа: “Прывязі мне тую цёмненькую з банкета” …Практычна ў любым раёне ёсць дзяўчаты, каторых падкладваюць пад вялікіх начальнікаў, каб тыя з’ехалі давольнымі. І часцей за ўсё дзяўчаты самі не супраць – гэта ж начальнік з Мінска, мо потым з кар’ерай дапаможа”.

Добры закон мусіць рэальна працаваць

На думку Ірына Альхоўкі, старшыні Праўлення Міжнароднага грамадскага аб’яднання “Гендарныя перспектывы”, юрыдычная калізія шматлікіх падобных сітуацый у тым, што ў прававым полі Беларусі няма азначэння паняцця “дыскрымінацыя”. Існуе толькі яе забарона.

“Вядома, што нерэдка наймальнікі перадузята ставяцца да маладых жанчын з дзецьмі пры прыёме на працу, жанчыны розных узростаў сутыкаюцца з сэксуальнымі дамагальніцтвамі на працоўных месцах, не кожны бацька практычна можа скарыстацца магчымасцю ўзяць дэкрэтны адпачынак па догляду за дзіцём”.

Даказаць парушэння даволі сладана: працадаўца не дае распіску, што робіць выбар у бок мужчыны , а не жанчыны, сыходзячы толькі з біялагічнага полу, а не прафесійных кампетэнцый. “Эфектыўнасць жа закона павінна вымярацца механізмам яго практычнай рэалізацыі. Добры закон той, што рэальна працуе.”


Прэзентацыя аналіза сабраных гісторый пройдзе ў час экспертнай грамадскай дыскусіі. Акрамя таго будзе праведзены круглы стол для абмеркавання гендарнай няроўнасці на рынку працы. Мяркуецца, што ўдзел у ім возьмуць спецыялісты Дэпартамента дзяржаўнай інспекцыі па працы Мінпрацы і сацабароны, органаў пракуратуры і судоў, аб’яднанняў наймальнікаў, адвакатаў, грамадскіх арганізацыый і іншыя зацікаўляныя асобы.

Вы можаце зрабіць унёсак у вывучэнне праблемы і падзяліцца сваёй гісторыяй на старонках Facebook пад хэштэгам  #ПолНеПотолок. Самые распаўсюджаныя выпадкі дыскрымінацыі, пра каторыя распавядуць удзельніцы пракаментуюць юрысты.

Калі вы жадаеце падзяоіцца гісторыяй ананімна, напішыце даследчыцам на электронны адрас  pol_ne_potolok@genderperspectives.by. Канфедэнцыыйнасць гарантуецца.

 

comments powered by HyperComments

Раім пачытаць

Каментары