Дадаць навіну

Сталі сведкамі падзеі?
Падзяліцеся!

Напішыце навіну

Рэканструкцыя трасы М6 Мінск-Гродна завершыцца у 2018 годзе

Фота: lida.info

Абнаўленне, насуперак пачатковаму праекту, закране ўсе ўчасткі. Дарожную будоўлю 21 кастрычніка праінспектаваў прэм’ер-міністр.

Трасу пашыраць да чатырох палос, пабудуюць масты і шляхаправоды, а на месцы ажыўленых скрыжаванняў — двухузроўневыя развязкі. Зараз на аб’екце штодня працуе да 400 чалавек.

У перспектыве кіроўцы змогуць рухацца па М6 з хуткасцю 120 кіламетраў у гадзіну, а значыць, дабірацца з Гродна ў сталіцу — за дзве гадзіны. Сродкі на будаўніцтва вылучыў Сусветны банк. Змены ў праект унеслі дзякуючы ўдзелу ў ім беларускіх будаўнікоў.

Андрэй Кабякоў, прэм’ер-міністр Беларусі: «Трэба аддаць належнае, што беларускія будаўнікі ўдзельнічалі ў конкурсе, які праводзіў Сусветны банк. І пачаткова цана перавышала 250 млн долараў. Дзякуючы таму, што правільным чынам былі ацэненыя нашы магчымасці, добра праведзены перадпраектныя працы, нашы будаўнікі прапанавалі значна лепшую цану, чым тая, якая прапаноўвалася іншымі ўдзельнікамі. Гэта быў міжнародны конкурс, і нашы будаўнікі выйгралі гэты конкурс і зэканомілі парадку 127-130 млн долараў».

Андрэй Кабякоў азнаёміўся з работай прамысловых і сельскагаспадарчых прадпрыемстваў Гродзенскага рэгіёну. Прэм’ер-міністр даручыў больш актыўна заняцца фінансавым аздараўленнем арганізацый, у першую чаргу знізіць затраты на вытворчасці.

Чытайце яшчэ:  Бацькі загінулага кіроўцы скутэра павінны шукаць уладальніка Mitsubishi? Так лічыць гродзенец, які знайшоў у інтэрнэце відэа з аварыі
comments powered by HyperComments

Раім пачытаць

Каментары